အကြံပေးဆိုတာ . . .

အဖွဲ့အစည်းတခုရဲ့ တိုးတက်ရာတိုးတက်ကြောင်း အပြုသဘောဆန်တဲ့ အကြံဥာဏ်ကောင်းတွေ ပေးစွမ်းနိုင်တဲ့ သူကို အကြံပေးပုဂ္ဂိုလ် (Consultant)လို့ သတ်မှတ်တယ်။ စီးပွါးရေးလုပ်ငန်း ကုမ္မဏီကြီးတွေမှာ ဈေးကွက်ဆိုင်ရာ အခွင့်အလမ်းအသစ်တွေ ဖန်တီးဖို့၊ မဟာဗျူဟာအသစ်တွေ ချမှတ်ဖို့၊ ကစားကွက်အသစ်တွေ ပြောင်းဖို့၊ အရည်အချင်း ပြည့်ဝတဲ့ အကြံပေးပုဂ္ဂိုလ်တွေ မရှိမဖြစ်လိုအပ်တယ်။ အကြံပေးပုဂ္ဂိုလ်တွေဆီက ကျယ်ပြန့်တဲ့ outside-in အမြင်တွေပေါ် အခြေခံပြီး ကျွန်တော်တို့ရဲ့ ကျဉ်းမြောင်းတဲ့ inside-out အမြင်တွေကို အချိန်မှီ ပြင်ဆင်ခွင့် ရပါလိမ့်မယ်။

တခုတော့ စဉ်းစားစရာပဲ။ အကြံပေးပုဂ္ဂိုလ်တွေအတွက် ဥာဏ်ပူဇော်ခက သိသိသာသာ များလေ့ရှိတယ်။ “လိုအပ်သည်များကို မှာစားသွားသည်”ဆိုတဲ့ ဟာသကိုပဲ ကြည့်။ မန်နေဂျာတွေကြားထဲ ရေပန်းစားတဲ့ စကားတခွန်းလည်း ရှိသေးတယ်။ “ကျုပ်တို့ စင်ပေါ်ရောက်နေတုန်းတော့ အကြံပေးပုဂ္ဂိုလ်ဆိုတာ အလကားပဲ။ မွဲပြာကျတဲ့အချိန်လည်း ရောက်ရော၊ သူတို့ကိုငှားဖို့ ဘယ်မှာလဲ ပိုက်ဆံ”ဆိုလားပဲ။

အကြံပေးပုဂ္ဂိုလ်တွေထက် (သူတို့ရဲ့အကြံဥာဏ်ကောင်းတွေကတဆင့်သီးပွင့်လာတဲ့) ရလဒ်ကောင်း (Result)တွေက ပိုအရေးကြီးတယ်။ “ဆရာများတော့ သားသေ”ဆိုသလိုပဲ။ ပေးတဲ့အကြံက တသံတည်း ထွက်တောင်မှ အကြံပေးပုဂ္ဂိုလ်တွေ များလာတာနဲ့အမျှ (ရလဒ်ကောင်းတွေထွက်ဖို့) တဦးချင်း တာဝန်ယူမှုအပိုင်းမှာ အားနည်းသွားတတ်တယ်။ တခါတလေ လေထဲတိုက်အိမ်ဆောက်သလို အကောင်အထည်ဖော်ရခက်တဲ့ အကြံဥာဏ်မျိုးတွေလည်း ပေးတတ်တယ်။ နောက်ပိုင်း အကြံပေးပုဂ္ဂိုလ်တွေနဲ့ ပတ်သက်လို့ သူတို့ရဲ့ ရလဒ်ကောင်းတွေပေါ် အခြေခံပြီး ဥာဏ်ပူဇော်ခ ချီးမြှင့်တဲ့စံနစ်မျိုး ကျင့်သုံးလာကြတယ်။

သင့်တော်တဲ့ အကြံပေးပုဂ္ဂိုလ်ကောင်းတွေ ရွေးချယ်ခန့်အပ်ဖို့ နည်းလမ်းကောင်းတွေထဲက တခုကို ပြောပါရစေ။ သူတို့တဦးချင်းစီကို “ဘယ်အချိန်ရှိပြီလဲ”လို့သာ မေးလိုက်။

• ပထမဆုံး အကြံပေးက ဒီလိုဖြေမယ်။ “မနက် (၉)နာရီ၊ (၃၂)မိနစ်နဲ့ (၁၀) စက္ကန့်တိတိရှိပြီ”တဲ့။ “တိကျသေချာတဲ့ အချက်အလက်တွေနဲ့ အမှားမခံတဲ့ ရလဒ်ကောင်းတွေရဖို့ သူ့ကို ခန့်ပါ။
• ဒုတိယ အကြံပေးက အခုလိုပြောတယ်။ “ခင်ဗျားက ဘယ်လိုအချိန်မျိုး ဖြစ်စေချင်လို့လဲ”တဲ့။ ကိုယ်ရွေးတဲ့ လမ်းမှာ မိတ်ဆွေတယောက်လို အားပေးမှုမျိုးနဲ့ ပူးပေါင်းဆောင်ရွက်မှုမျိုးတွေကို တန်ဖိုးထားရင်တော့ သူလိုလူက အရေးကြီးတယ်။
• တတိယအကြံပေးကတော့ ကိုယ့်တောင်ပြန်ပြီး မေးခွန်းထုတ်လိုက်သေးတယ်။ “ခင်ဗျားက ဘာကြောင့် သိချင်တာလဲ”တဲ့။ အခြေခံကျတဲ့ တွေးခေါ်မျှော်မြင်မှုမျိုးနဲ့ ပြဿနာတခုကို ဂရုတစိုက် ကိုင်တွယ်ဖြေရှင်းဖို့ သူ့ကိုသာ ဆည်းကပ်ပေတော့။ Management ဂုရုကြီး Peter Drucker ကတော့ အကြံပေးပုဂ္ဂိုလ်တယောက် အနေနဲ့ သူ့ရဲ့အားသာချက်ကို ပြောပြဖူးတယ်။ “လူတွေပြောသမျှကို လျစ်လျူရှုပြီး အခြေခံအကျဆုံး မေးခွန်းတွေကို ကိုယ်ဖက်က စမေးဖို့ ကြိုးစားပါ”တဲ့။

အကြံပေးပုဂ္ဂိုလ်တွေနဲ့ ပတ်သက်လို့ ကန့်လန့်မြင်သူတွေလည်း မရှားပါဘူး။ ဘီစီ (၁)ရာစုမှာ ထင်ရှားခဲ့တဲ့ လက်တင်တွေးခေါ်ရှင် Publilius Syrus ရဲ့ မှတ်ချက်လေးပါ။ “အကြံကောင်းရခဲ့သူ များလေပြီ။ အကျိုးဖြစ်အောင် အမြတ်ထုတ်နိုင်သူကား နည်းလှ၏”ဆိုပဲ။ Avis Rent-A-Car ရဲ့ CEO ဟောင်း Robert Townsend ဆိုရင် အကြံပေးပုဂ္ဂိုလ်တွေအပေါ် အခုလိုဝေဖန်ဖူးတယ်။ “ခင်ဗျားရဲ့ လက်ပတ်နာရီကို ခဏငှားမယ်။ ခင်ဗျားကို အချိန်ကြည့်ပေးမယ်။ နောက်ဆုံးတော့ သူ့လက်မှာ ခင်ဗျားရဲ့နာရီလေး ပတ်လျှက်သား ပါသွားရော”တဲ့။ Burson-Marsteller က လူထုဆက်ဆံရေးပညာရှင် William Marsteller ကတော့ “ဘယ်အကြံပေးပုဂ္ဂိုလ်မှ ခင်ဗျားရဲ့လုပ်ငန်းအကြောင်း ခင်ဗျားလောက် နားမလည်ဘူး။ ဒီလိုလူမျိုးကို ငွေကုန်ခံပြီး ခင်ဗျားရဲ့ လုပ်ငန်းအကြောင်း ပြန်မေးနေမယ့်အစား ကိုယ့်နည်းကိုယ့်ဟန်နဲ့ ကိုယ့်လမ်းကိုယ်ဖောက်ပြီး အောင်မြင်မှုဆိုတာကို အရယူလိုက်စမ်းပါ”လို့ တိုက်တွန်းထားတယ်။

အကျဉ်းချုပ်ပြောရရင် အရာရာတိုင်းမှာ အဆိုးအကောင်း ဒွန့်တွဲနေတယ်။ အကြံပေးပုဂ္ဂိုလ်တွေနဲ့ ပတ်သက်လာရင်လည်း ဒီအတိုင်းပဲ။ လျှော်ကန်သင့်မြတ်တဲ့ အကြံပေးပုဂ္ဂိုလ်ကောင်းတွေကို ရွေးချယ် ဆည်းကပ်နိုင်ဖို့၊ တနည်းပြောရရင် “ဆရာကောင်းနဲ့ တွေ့ဖို့”ကတော့ ဘယ်သူမပြု မိမိမှု၊ ကိုယ့်အပေါ်ပဲ မူတည်ပါလိမ့်မယ်။

(Philip Kotler ရဲ့ Consultants ကို တတ်သလောက် မှတ်သလောက်နဲ့ ဘာသာပြန်ကြည့်တာပါ။)