မရမ်းကုန်းမြို့နယ်ထဲက အသွားအလာခက်တဲ့ ရပ်ကွက်တခုမှာ ကျွန်တော်နေလာတာ ငါးနှစ်နီးပါးရှိပြီ။ ကျွန်တော့်အိမ်ကနေ ကားလမ်းအတိုင်း ဘယ်ဖက်ပဲသွားသွား၊ အနီးဆုံး ကားမှတ်တိုင်ရောက်ဖို့ မိနစ်နှစ်ဆယ်ကနေ နာရီဝက်နီးပါး လမ်းလျှောက်ရတယ်။ မြောက်ဥက္ကလာဘုန်းကြီးလမ်း ကားဂိတ်ကို ထွက်ရင်တော့ ဆယ့်ငါးမိနစ်ပဲ ကြာတယ်။ ခက်တာက လမ်းမှာချောင်းတခု ကန့်လန့်ခံနေတယ်။ နွေဆို ပြဿနာမရှိပေမယ့် မိုးတွင်းရောက်ရင် ရေလျှံတယ်။ ဒါပေမဲ့ ကျွန်တော်ရောက်ပြီး သိပ်မကြာလိုက်ဘူး။ ရပ်ကွက်ထဲက လူငယ်တွေစုပြီး ၀ါးတံတားခင်းလိုက်တာ အဆင်ပြေသွားတယ်။ ၀ါးတံတားဆိုတော့ တနှစ်တကြိမ် ပိုက်ဆံစုပြီး အသစ်ပြန်ခင်းရတာမျိုးတော့ ရှိတယ်။
ဘယ်မှာနေလဲ မေးရင်တော့ (န၀ဒေး) “စွယ်တော်ဘုရား”လို့ပဲ ဖြေပါတယ်။ အိမ်ကနေလမ်းထိပ်ကို ဆယ်မိနစ်လောက်လျှောက်ရင် “စွယ်တော်ဘုရား”ကို ရောက်တယ်။ အနားမှာ “နာဂလှိုင်ဂူဘုရား”လည်း ရှိတယ်။ တခေတ်က လူသိများခဲ့တဲ့ ကလေးဝဆရာတော်ကြီး တည်ခဲ့တဲ့ ဘုရားပေါ့။ ထူးထူးခြားခြား ကျွန်တော်တို့လမ်းထဲမှာ မယ်သီလရှင်တပါးတည်တဲ့ ဘုရားတဆူရှိသေးတယ်။ ပုဂံက သဗ္ဗေညုဘုရားနဲ့ အရွယ်အစားတူ၊ ပုံစံတူ တည်ထားတာပါ။ ဘုရားက ထုထည်ကြီးလွန်းတော့ ခုထက်ထိ လက်စမသတ်နိုင်ဘူး။ အတောင်ဝေးဝေး လှမ်းမြင်နိုင်ပေမယ့် သတိထားမိသူ အတော်နည်းပါတယ်။
ရပ်ကွက်ထဲမှာ လက်လုပ်လက်စားလူတန်းစားတွေ ပိုများတယ်။ လက်သမား၊ ပန်းရံဆရာ၊ ဆိုက်ကားသမား စသည်ဖြင့်ပေါ့။ ရပ်ကွက်ဘေးမှာ ကိုးမိုင်ဂေါက်ကွင်းရှိတော့ ဂေါက်ကွင်းထဲမှာ ဂေါက်အိမ်ထမ်း၊ ဥယျာဉ်မှုးလုပ်ပြီး အသက်မွေးဝမ်းကျောင်းတဲ့သူတွေလည်း အတော်များတယ်။ လေ့လာကြည့်ရသလောက် ၀င်ငွေက ဒီလောက်မနည်းဘူး။ ဒါပေမဲ့ ရရင်ရသလို အရက်ကလေးတမြမြနဲ့ နှစ်လုံးသုံးလုံးထိုး၊ ဘောပွဲလေးလောင်းပြီး လူမွှေးပြောင်တယ်လို့ကို မရှိဘူး။
ရယ်စရာပြောရဦးမယ်။ အိမ်နားက လူတယောက်အကြောင်းပါ။ ငယ်ငယ်တည်းက ဂေါက်ကွင်းထဲ ကျင်လည်ခဲ့ရလို့ပဲလား မသိဘူး။ ဂေါက်အကြောင်း အတော်နားလည်တယ်။ ဂေါက်လာရိုက်တဲ့ လူကြီးတွေကိုတောင် ပြန်သင်ပေးနိုင်တယ်။ ဂေါက်ကွင်းထဲနေရင်း ဂေါက်ကွင်းထဲက မိန်းမနဲ့ပဲ ညားတယ်။ မိန်းမဖက်က ခွဲပေးတဲ့ မြေကွက်လေးမှာ ဂေါက်ကွင်းထဲက လူကြီးတွေကောင်းမှုနဲ့ သွပ်မိုးပျဉ်ကာ အိမ်လေးတလုံးဆောက်ပြီး အတော်လေးဟန်ဟန်ပန်ပန်ဖြစ်သွားတယ်။ ဒါပေမဲ့ သိပ်မကြာဘူး။ လင်မယားကွဲမယ်ကွာမယ် ထဖြစ်ကြတယ်။ ရာထူးရာခံနဲ့ လူကြီးတွေတောင် မနေသာဘူး။ ၀င်ရှင်းပေးရတယ်။
နောက်ဆုံး ယောက်ျားလုပ်သူက သူဆောက်ထားတဲ့ အိမ်ကို ပြန်ဖျက်ပြီး ယူဖို့ တောင်းဆိုတယ်။ ဒီလိုနဲ့ အိမ်လေးကိုဖျက်ရောင်းပြီး မည်သို့မည်ပုံဖြစ်သွားသည် မသိ။ အခုတော့ သူတို့လင်မယား ပြန်ပေါင်းထုပ်နေကြပြီ။ သွပ်မိုးပျဉ်ကာအိမ်နေ တဲစုတ်ဖြစ်သွားတာပဲ အဖတ်တင်တယ်။ ရပ်ကွက်ထဲ ဒီလိုဇာတ်လမ်းမျိုးတွေ မကြာခဏကြားရမယ်။ ဘာမှ မဆန်းဘူး။
ရပ်ကွက်ထဲက လူတွေရဲ့အပြောကတော့ ချမ်းသာတဲ့သူတွေ ကြီးစိုးလာပြီတဲ့။ ဒီနှစ်ပိုင်း ရပ်ကွက်ထဲက မြေကွက်တွေ အတော်အရောင်းအ၀ယ် ဖြစ်လို့ပဲ။ အခုပုံထဲမှာပါတဲ့ မြေကွက်ဆိုရင် Singapore အခြေစိုက် လူကုံထံလင်မယားက ပိုင်ပါတယ်။ လခတွေသောက်သောက်လဲကောင်းပြီး ပိုက်ဆံတွေထားစရာမရှိလို့ ရန်ကုန်တ၀ိုက်က မြေကွက်တွေ အတော်ဝယ်ထားတယ်ဆိုပဲ။ ဒီမြေကွက်ရဲ့ လက်ရှိကာလပေါက်ဈေး သုံးရာနီးပါးရှိတယ်။ ဒါတောင် ဥယျာဉ်ခြံမြေပဲ ရှိသေးလို့ပေပဲ။ နောက်ဖက် မလှမ်းမကမ်းမှာ လူသိများတဲ့ ရွှေနှင်းဆီရပ်ကွက်ရှိတယ်။ ရွှေနှင်းဆီရပ်ကွက်ကလည်း တဖြည်းဖြည်းတိုးချဲ့လာလိုက်တာ နောက်ငါးနှစ်လောက်ဆို ကျွန်တော်တို့ရပ်ကွက်နဲ့ တဆက်တည်းဖြစ်သွားမယ့် သဘောရှိတယ်။
တနိုင်တပိုင် စိုက်ခင်းလေးတွေပါ။ စီးပွါးဖြစ်တော့ ဟုတ်မယ်မထင်ဘူး။ မိသားစုဝမ်းစာ ဖူလုံရုံတော့ အထောက်အပံ့ဖြစ်ပါလိမ့်မယ်။
ရပ်ကွက်ထဲမှာ ဘုန်းကြီးကျောင်းတွေလည်း အတော်များပါတယ်။ နောက်ပိုင်း အလှူရှင်တွေပေါ်လာလို့ ထင်ပါတယ်။ တခမ်းတနားကျောင်းဆောင်ကြီးတွေ ဆောက်လာကြတယ်။ အလှူရှင်နာမည်တွေ ဖတ်လိုက်ရင် ခေတ္တ Singapore ၊ U.K ၊ U.S.A စသဖြင့်ပေါ့။ ပညာဒါန အခမဲ့ပြုပေးတဲ့ ဘုန်းကြီးကျောင်းတွေလည်း ရှိတယ်။ အင်္ဂလိပ်စကားပြောသင်တာ ပိုများသလိုပဲ။
ကျွန်တော်ပြောတဲ့ မြောက်ဥက္ကလာလမ်းမပေါ်က ဘုန်းကြီးလမ်းကားဂိတ်ပါ။ နိုင်ငံရပ်ခြားမှာလို စည်းကမ်းမရှိဘူး။ Singapore မှာတုန်းက လူစည်ကားတဲ့ ကားဂိတ်တွေမှာ ဘယ်နံပါတ်နဲ့ဘယ်ကားတွေ ဘယ်အချိန်ရောက်မလဲ၊ LED မီးလုံးတွေနဲ့ Information အတိအကျပေးတယ်။ မြန်မာပြည်က ကားဂိတ်တွေမှာတော့ ကွမ်းယာဆိုင်တွေသာ မေးလိုက်ပါ။ သူတို့က လာသမျှကားကို စာရင်းပြုစုပြီး အခမဲ့ ၀န်ဆောင်မှုပေးတယ်။ သူတို့ဆီမှာ ကွမ်းစား၊ ဆေးလိပ်သောက်တဲ့ ကားသမားဖောက်သည်တွေ အဆင်ပြေဖို့ပါ။ သူ့အရပ်နဲ့ သူ့ဇာတ်ပေါ့။
