ပိုက်ဆံပိုစတာ

“ဇင်ဘာဘွေ”တဲ့။ သိတဲ့ အတိုင်းပဲ။ ငွေကြေးဖောင်းပွတဲ့ နေရာမှာတော့ ဘယ်သူမှ မယှဉ်နိုင်ဘူး။ အထူးသဖြင့် ဒီပြဿနာတွေက အားလုံးသိတဲ့အတိုင်းပဲ သမ္မတ“မူဂါဘီ”လက်ထက်မှာ ပေါ်ခဲ့တာတာပါ။ ဇင်ဘာဘွေနိုင်ငံသား ဘီလီယံနာတွေအဖို့ ကိုယ့်ရပ်ကွက် ကိုယ်တောင် ပေါင်မုန့်တလုံးစီ လောက်ငအောင် မကျွေးနိုင်တဲ့ ဘ၀ကို ရောက်နေပါတယ်။ ဒီတော့ အတိုက်အခံတွေက ငွေစက္ကူတွေကို တစစီဆက်၊ ပိုစတာလိုဖြစ်အောင်လုပ်ပြီး သရော်ပါသတဲ့။

ကမ္ဘာ့အမြင့်ဆုံး ရထားလမ်း

တရုတ်နိုင်ငံ Qinghai ပြည်နယ် Xining မြို့ကနေ Tibet ကုန်းပြင်မြင့်ကို ဖြတ်ပြီး မြို့တော် Lhasa အထိ သွားတဲ့ ရထားလမ်းကတော့ အံ့မခန်းပဲ။ ၂၀၀၆ ခုနှစ်၊ ဂျူလိုင်လမှာ စတင်ဖွင့်လှစ်တဲ့ ဒီရထားလမ်းကို “ကောင်းကင်ဘုံနားက ရထားလမ်း”လို့တောင် တင်စားကြတယ်။ Tanggula တောင်ကြားကို ဖြတ်တဲ့ ရထားလမ်းပိုင်းက ပင်လယ်ရေမျက်နှာပြင် အထက် (၅၀၇၂)မီတာ အမြင့်မှာ ရှိလို့ “ကမ္ဘာ့အမြင့်ဆုံး ရထားလမ်း”အနေနဲ့ စံချိန်တင်ထားနိုင်လို့ပါ။ အရှည် ကီလိုမီတာ (၁၉၅၆) ရှိတဲ့ ဒီရထားလမ်းမှာ ဘူတာရုံပေါင်း (၄၅)ခု ရှိပါတယ်။ ဘူတာရုံ တ၀က်ကျော်ကျော်မှာ ၀န်ထမ်းမထားပါဘူး။ ခေတ်မှီ လူမဲ့နည်းပညာတွေနဲ့ပဲ Xining မြို့ကနေ လှမ်းပြီး ကွပ်ကဲပါတယ်။

Golmod နဲ့ Lhasa ကြား ခရီးစဉ်တောက်လျှောက်မှာ ရေခဲနေတဲ့ ရွှံ့အိုင်တွေပေါ်ကနေ ဖြတ်ရလို့ အတော်လေးအန္တရာယ်များပါတယ်။ ရာသီဥတုမရွေး ရထားဖြတ်တဲ့အချိန်၊ ရွှံ့သားတ၀က် မြေပြင်ကို အေးခဲမာကျောနေစေဖို့ ရထားလမ်းအောက်မှာ အအေးပိုက်တွေ ချထားရတယ်။ လေထုကလည်း ပါးလွန်းလို့ တချို့နေရာတွေမှာ ရထားတွဲတွေထဲ အောက်စီဂျင်လွှတ်ပေးရတဲ့ အထိပဲ။ နေနဲ့ပါ နီးလို့ ခရမ်းလွန်ရောင်ခြည်ဒဏ်က အကာအကွယ်ပေးနိုင်တဲ့ ပြူတင်းမှန်တွေ တပ်ထားရတယ်။

ဒီကောင်းကင်ရထားလမ်းကို မြည်းစမ်းဖို့ ခရီးစရိတ်ကလည်း အတော်ကြီးပါတယ်။ Beijing ကနေ Lhasa ကို ရောက်ဖို့ ယွမ် (၄၀၀)နီးပါးကုန်ပါလိမ့်မယ်။ ဒါပေမဲ့ နေစဉ် လူ (၉၀၀)အထိ ပို့ပေးနိုင်တဲ့ ရထားသုံးစင်း အစုန်အဆန်ရှိတယ်။ ရထားကို နှေးနှေးမောင်းရလို့ ခရီးစဉ်အစအဆုံး (၄၈)နာရီ အချိန်ယူပါတယ်။ ရထားလမ်းကို စဖွင့်ပြီး သိပ်မကြာဘူး။ ၂၀၀၆ ခုနှစ်၊ သြဂုတ်လမှာ Hong Kong က အဖိုးအိုတဦး နှလုံးရောဂါ ထဖေါက်ပြီး သေလို့ မှတ်တမ်း ၀င်သွားပြန်တယ်။

ရထားလမ်းဖွင့်ပွဲတုန်းက တရုတ်သမ္မတ Hu Jintao က ဒီလိုပြောပြီး ဂုဏ်ယူခဲ့သေးတယ်။ “ဒီ စီမံကိန်း အထမြောက်အောင်မြင်တာ တရုတ်နိုင်ငံ တခုတည်းအတွက် မဟုတ်ဘူး။ ကမ္ဘာ့မီးရထားသမိုင်းကြောင်း တခုလုံးအတွက်ပါ ဂုဏ်ယူစရာ”တဲ့။ ဒါပေမဲ့ တရုတ်အစိုးရအတွက်တော့ ဒီရထားလမ်းဟာ တိဗက်ကုန်းပြင်မြင့်ကို အာဏာစက်ဖြန့်ကျက်ဖို့ အဓိကကျတယ်လို့ နိုင်ငံတကာက ဝေဖန်ပါတယ်။ တိဗက်ကုန်းပြင်မြင့် ဒေသရဲ့ သဘာဝရင်းမြစ်တွေ ဆုံးရှုံးမယ့် အန္တရာယ်ကို တွေးပူနေသူတွေလည်း အတော်များတယ်။ ဒါတင်မကဘူး။ ထိဆက်နေတဲ့ ပြည်နယ်တွေကနေ အခြားလူမျိုးစု ကျွမ်းကျင်လုပ်သားတွေ လှိမ့်ဝင်လာပြီး ဒေသခံတွေအတွက် အလုပ်လက်မဲ့ ဖြစ်လာနိုင်တယ်။

တရုတ်အစိုးရပိုင်း တာဝန်ရှိသူတွေကတော့ ဒီအချက်တွေနဲ့ပတ်သက်လို့ ခုခံပြောပါတယ်။ “ရထားလမ်းရှိမှ ဒီဒေသက လူတွေအတွက် သွားရေးလာရေး အဆင်ပြေမယ်။ ခင်ဗျားတို့ သိတဲ့အတိုင်းပဲ။ ဒီခေတ်ကြီးထဲ ဘယ်ယဉ်ကျေးမှုမှ တံခါးပိတ်ထားတဲ့ ပတ်ဝန်းကျင်တခုမှာ တိုးတက်မလာနိုင်ဘူး။”လို့ ရထားအရာရှိ Zhu က ပြောသွားလေရဲ့။

စီးကြဦးမလား Bugatti

Bugatti လို့ ကြားလိုက်တာနဲ့ ကားဝါသနာရှင် အတော်များများ သိကြတယ်။ Bugatti ဆိုတာ လက်ရှိကမ္ဘာ့ထိပ်တန်း ဈေးအကြီးဆုံး ပြိုင်ကားတွေထုတ်တဲ့ ကုမ္မဏီနာမည်ပါ။ ဒီကုမ္မဏီက နောက်ဆုံးထုတ်တဲ့ Veyron 16.4 ဆိုတဲ့ပြိုင်ကားကတော့ ကားလောကရဲ့ တိုးတက်မှုသမိုင်းကြောင်းမှာ မှတ်တိုင်တခု ဖြစ်ကျန်ခဲ့မယ်လို့တောင် ကျွမ်းကျင်သူတွေက မှတ်ချက်ပေးကြတယ်။

ဒီ Bugatti ကားရဲ့ အပြင်ဒီဇိုင်းက ရုတ်တရက်ထပြေးတော့မယ့် နွားရိုင်းတကောင်နဲ့ သဏ္ဍန်တူပါတယ်။ ဒရိုင်ဘာထိုင်ခုံရဲ့နောက် ကားအလည်တည့်တည့်မှာ(၁၆)လုံးထိုး W16-8.0 Litre အင်ဂျင်ကြီး ရှိတယ်။ ဆလင်ဒါ(၁၆)လုံးကို၊ (၄)လုံးစီတတန်း၊ V ပုံစံနှစ်ခုကို ကပ်ရက်ယှဉ်ထားလို့ Double V-Type အင်ဂျင်လို့လည်း ခေါ်ကြတယ်။ အင်ဂျင်ပါဝါကလည်း အံ့မခန်းပဲ။ လီဗာကိုသာ အသာဖိနင်းလိုက်တဲ့။ တနာရီ (၆၂)မိုင်နှုံးကို (၂.၅)စက္ကန့်အတွင်း ရောက်သွားမယ်ဆိုပဲ။ ကားရဲ့ထောင့်စွန်းလေးဘက်ကို ဟန်ချက်ညီအောင် ဒီဇိုင်းထုတ်ထားလို့ အချိုးအကွေ့တွေမှာလည်း တိမ်းစောင်းပြီး မှောက်သွားမှာ မပူရဘူးလို့ ပြောတာပဲ။

ဒါပေမယ့် အမြန်ဆုံးနဲ့ တဆုံးနင်းမယ်ဆိုရင်တော့ (Mechanic အခေါ် Full Throttle Position မှာ) တနာရီ ကီလိုမီတာ (၄၀၀)၊ မိုင်နဲ့တွက်ရင် (၂၅၀) အထိ ရောက်သွားပါလိမ့်မယ်။ အသက်ကို ဥာဏ်စောင့်ပေါ့။ Cars And Drivers မဂ္ဂဇင်းရဲ့ လေ့လာစမ်းသပ်ချက်အရ ဒီကားကို တနာရီမိုင် (၂၅၀)အထိ အဆက်မပြတ်နင်းလိုက်ရင် (၁၃)မိနစ်တည်းနဲ့ ဆီတိုင်ကီထဲက်ဆီတွေအားလုံး တစက်မှမကျန်အောင် ပြောင်သလင်းခါသွားမယ်ဆိုပဲ။ ကောင်းပါတယ်။ ဒီအရှိန်အတိုင်း နောက်ထပ် (၂) မိနစ်သာ ဆက်သွားခဲ့ရင် တာယာတွေအားလုံး အပူချိန်တက်ပြီး တစစီ ပေါက်ထွက်ကုန်မှာမို့ပါ။

ဘယ်လိုလဲ။ ကြိုက်သွားပြီလား။ ၀ယ်ချင်ရင်တော့ (၆) လ၊ တနှစ် စာရင်းပေးပြီး ကြိုမှာဖို့လိုတယ်။ အနည်းဆုံးအမေရိကန်ဒေါ်လာ တသန်းခွဲကိုလည်း လက်ငင်းရှင်းထားရမယ်တဲ့။ “ဟုတ်ရဲ့လား မောင်ကာဋ္ဌုရယ်” တဲ့။ “ဒါ့ထက်တောင် ပိုသေး”လို့ ပြန်ဖြေရမလိုပဲ။ Bugatti နှစ်တရာပြည့် အထိမ်းအမှတ်ထုတ်တဲ့ 2009 Model Veyron Fbg Par ကို အမြင့်ဆုံး ဒေါ်လာ(၂.၃)သန်းအထိ ပေးဝယ်သွားတဲ့ လူရှိလို့ပါ။ ကားအတွင်းခန်းကို ကမ္ဘာကျော်သားရေနဲ့ ပိုးထည်ကုမ္မဏီ Hermès က တာဝန်ယူပြီး ကောင်းပေ့ညွှန့်ပေ့ တန်ဆာဆင်ထားလို့ ဈေးကြီးသွားတယ်ဆိုပဲ။ ဒါနဲ့ နေဦး။ ဒီဒေါ်လာ(၂.၃)သန်းက အခွန်မဆောင်ရသေးဘူးတဲ့။ ကောင်းရော။

ငွေမရှိတဲ့ဘ၀မှာ ပျော်သူ

Daniel Suelo (Photograph by Mark Heithoff)

Daniel Suelo ဆိုတဲ့ ပုဂ္ဂိုလ်ကတော့ ခေတ်သစ်ဂူအောင်း လူသားပဲ။ တောကျိုအုံကြားက ကျောက်ဂူလေးကို အိမ်လုပ်ပြီးနေသတဲ့။ ငွေဆိုလို့ ခြူးတပြားမှ မရှိဘူး။ ငွေမရှိတဲ့ ဘ၀မှာ စိတ်အေးချမ်းသာနေနိုင်ဖို့ အကောင်းဆုံး နည်းလမ်းက ငွေမရှိတဲ့ အရပ်မှာ ငွေဆိုတဲ့ အရာနဲ့ ကင်းအောင်းနေတာပဲလို့ Suelo က ယူဆတယ်။ ပြီးခဲ့တဲ့ ကိုးနှစ်တုန်းက၊ အတိအကျ ပြောရရင် သက္ကရာဇ် ၂၀၀၀ ပြည့်နှစ် ဆောင်းဦးပေါက်မှာ သူပိုင်ဆိုင်သမျှ ငွေကြေးဓနအားလုံးကို စွန့်လွှတ်ပြီး Suelo တယောက် ဒီနေရာကို ရောက်လာခဲ့တယ်။ ငွေကိုင်သုံးတဲ့ အလေ့အထကိုလည်း မူးယစ်ဆေးတခုလို သဘောထားပြီး တိကနဲနေအောင် ဖြတ်ပစ်ခဲ့တယ်လို့ Suelo က ပြောပါတယ်။

ဒီနေ့ခေတ် သူလိုကိုယ်လို American လူမျိုးတွေ အားလုံးနီးပါး ကြွေးလည်ပင်းခိုက်ပြီး အလုပ်လက်မဲ့ ပြဿနာတွေနဲ့ ရင်ဆိုင်နေရချိန်မှာတော့ Suelo တုိ့ ဘ၀က အတော်အေးချမ်းတယ်။ ကမ္ဘာ့စီးပွါးရေး ပျက်ကပ်က သူနဲ့ ဘာမှမဆိုင်သလိုပဲ။

ရေတံခွန် စိမ့်စမ်းတွေနဲ့ တောတောင် လျှိုမြှောင်တွေကြားက Suelo ရဲ့ နေရာကို ရောက်ဖို့ အနီးဆုံး Utah ပြည်နယ်၊ Moab ဆိုတဲ့ မြို့ငယ်လေးကနေ တနာရီနီးပါး ခြေကျင်သွားရတယ်။ ဒေသခံတွေက သူ့ကို ဂမ္ဘီရပုဂ္ဂိုလ်၊ ဒါမှမဟုတ်ရင် စိတ်ရူးပေါက်နေတဲ့ လူတယောက်လို့ သတ်မှတ်ထားတယ်။ Suelo ကတော့ ဒီနှစ်ခုလုံး ဖြစ်မယ်ဆိုလည်း ဖြစ်နိုင်တာပဲလို့ ၀န်ခံတယ်။ လက်ရှိ Moab Public Library က တာဝန်ယူပြီး ထိန်းသိမ်းပေးထားတဲ့ သူ့ရဲ့ Blog မှာ အခုလို Suelo က အခုလို ရေးထားတယ်။ “ကျွန်တော့်မှာ ငွေရှိတိုင်း တခုခု လိုနေသလိုပဲ။ တကယ်တော့ ငွေကြေးဆိုတာ လိုအင်ဆန္ဒကို ကိုယ်စားပြုတယ်။ ငွေကြေးဆိုတာ အတိတ်မှာ ကျန်ခဲ့တဲ့ ကြွေးဟောင်းတွေကို ကိုယ်စားပြုတယ်။ အနာဂတ်မှာ ထပ်ယူမယ် ကြွေးသစ်တွေကို ကိုယ်စားပြုတယ်။ လက်ရှိပစ္စုပ္ပန်အတွက်တော့ အတုအယောင်ပဲ”တဲ့။

နွေဦးပေါက်လို့ နေသာတဲ့တနေ့မှာ ကျွန်တော် သှူ့ဆီရောက်သွားတယ်။ ကျောက်စွယ်၊ ကျောက်စွန်းတွေကနေ တွယ်တက်ပြီးမှ Suelo ရဲ့ အိမ်ဂေဟာ၊ ကျောက်ဂူလေး အ၀ကို ရောက်တယ်။ အပြုံးသင်္ကေတနဲ့ လက်မှတ်ထိုးထားတဲ့ စာတိုလေးတခုက အသင့်စောင့်နေတယ်။ “မိတ်ဆွေ၊ ဒီနေရာမှာ တွေ့သမျှ အားလုံးကို လွတ်လွတ်လပ်လပ် သုံးနိုင်တယ်။ စားနိုင်တယ်။ (ဒီမှာရှိတာ ဘာတခုမှ ကျုပ်မပိုင်ဘူး)”ဆိုပဲ။ ကျောက်ဂူလေးက သိပ်မကျယ်လှဘူး။ Amtrak ရထားပေါ်က သန့်စင်ခန်းလေးတခုစာပဲ ရှိမယ်။ မျက်နှာကျက်ပေါ်ကနေ အိုးတွေခွက်တွေ တိုးလိုးတွဲလောင်း ဆွဲချိတ်စရာ နေရာတော့ရှိတယ်။ မီးဖိုလေးတလုံးရယ်၊ ပဲစေ့နဲ့ ဆန်နည်းနည်း ထည့်ထားတဲ့ ပုံးလေးတလုံးကို တွေ့တယ်။ စောင်တွေကလည်း အထပ်လိုက် ဖုန်တွေထူလို့ပဲ။

ညရောက်လို့ ကြယ်တွေတောင် စုံစပြုမှ Suelo ဆိုတဲ့ပုဂ္ဂိုလ်ကြီး ပြန်ရောက်လာတယ်။ ဆံပင်ဘုတ်သိုက်နဲ့ လက်တွေက ပေရေလို့ပဲ။ ကျွန်တော်ကို သွားအဖြဲသားနဲ့ နှုတ်ဆက်တယ်။ ထုံးစံအတိုင်း မြို့တက်ပြီး ဟိုဝင်ဒီထွက်နဲ့ လူတွေ အသုံးမတည့်လို့ စွန့်ပစ်ထားတဲ့ ပစ္စည်းတွေကို သွားကောက်ပြီး ပြန်လာတာပါ။ လက်ထဲမှာ ပလတ်စတစ်အိတ်တလုံးအပြည့် ဖယောင်တိုင်၊ ငါးသေတ္တာဗူးနဲ့ အ၀တ်စတွေ ပါလာတယ်။ “ခင်ဗျားက ရောက်အောင်တော့ လာသားပဲ”လို့ သူက စပြောတယ်။ ကျွန်တော်ကလည်း မြို့ပေါ် စူပါမားကက်က ၀ယ်လာတဲ့ ပန်းသီးတအိတ်နဲ့ ချိစ်တတုံး လက်ဆောင်ပေးလိုက်တယ်။ ကြာရှည်မခံပါဘူး။ ကျွန်တော်တို့နှစ်ယောက်အတွက် ညစာဖြစ်သွားတယ်။

Suelo က ကျွန်တော်အတွက် ဖယောင်းတိုင်ထွန်းပေးတယ်။ ပြီးမှ ညစာအတွက် မီးဖိုတယ်။ ခရစ်စမတ် ကွတ်ကီးထည့်တဲ့ သံပုံးကို ဟင်းအိုးလုပ်ထားပုံက ရယ်ချင်စရာပဲ။ ကျောက်ဂူလေးထဲ မီးခိုးတွေ အူထွက်လာပြီး၊ နောက်ပိုင်း မီးအရှိန်နဲ့ အတော်နွေးသွားတယ်။ ညစာလည်း စားပြီးပြီ။ Suelo ကတော့ အိပ်ယာဝင် Bible စာအုပ်လေးဖတ်လို့ သူ့ဘ၀သူ ကျေနပ်နေပုံပဲ။

x x x

တကယ်တော့ Suelo ဟာ ယဉ်ကျေးမှုမထွန်းကားတဲ့ တောကျိုအုံကြားထဲ မွေးဖွားကြီးပြင်းခဲ့သူ မဟုတ်ဘူး။ ဘွဲ့ရပညာတတ်တယောက်ပါ။ Colorado တက္ကသိုလ်ကနေ ကျောင်းပြီးတယ်။ ငယ်ငယ်က ဆရာဝန် သိပ်ဖြစ်ချင်တယ်။ ဒီတော့ Colorado က ဆေးရုံတခုမှာ လက်ထောက်ဓါတ်ခွဲခန်း ပညာရှင် အဖြစ်နဲ့ အလုပ်ဝင်တယ်။ ၁၉၈၇ ခုနှစ်ရောက်မှ Peace Corps အဖွဲ့ထဲ ၀င်တယ်။ မဖွံ့ဖြိုးသေးတဲ့ Andes တောင်တန်းပေါ်က တိုင်းရင်းသား ရွာလေးတရွာမှာ တာဝန်ကျတယ်။ ဒေသခံတိုင်းရင်းသားတွေရဲ့ ကျန်းမာရေးနဲ့ လူနေမှုဘ၀ကို မြှင်တင်ပေးဖို့ Suelo က တာဝန်ယူရတယ်။ ခေတ်မှီဆေးပညာနဲ့ သူကိုယ်တိုင် ကလေးသုံးယောက်တောင် မွေးပေးဖူးတဲ့ အကြောင်းပြောပြီး Suelo က ဂုဏ်ယူပါသေးတယ်။

ရလဒ်က ဒီရွာနီးစပ်ချုပ်မှာ ဆယ်စုနှစ်တခုအတွင်း လူနေမှုအဆင့်အတန်း မြင့်လာတယ်။ သူတို့ရဲ့ပျိုးခင်းထဲက အာလူး၊ ပဲနဲ့ ပြောင်းစတာတွေကို မြို့တက်ရောင်းပြီး အတော်လေး စုစုဆောင်းဆောင်း ရှိလာတယ်။ ပြဿနာက သူတို့ဘ၀အတွက် အသုံးမလိုတဲ့ ပစ္စည်းပစ္စယပေါင်းစုံကို ၀ယ်သုံးမိရာကနေ အစစအရာရာ ယို့ယွင်းလာတယ်လို့ Suelo က ပြောပြတယ်။ အရောင်ချွတ်ထားတဲ့ ပဲစေ့၊ သကြား၊ ဆော်ဒါနဲ့ ခေါက်ဆွဲခြောက်တွေ။ နောက်ဆုံး TV တွေပါဝယ်ပြီး အပျော်အပါးမက်လာကြတယ်။ ငွေများများ သုံးနိုင်သလို သူတို့ရဲ့ ကျန်းမာရေးတွေလည်း သိသိသာသာ ချို့ယွင်းလာတဲ့အကြောင်း စစ်တမ်းတွေနဲ့ လက်တွေ့ ပြနိုင်တယ်ဆိုပဲ။ “ကဲ။ နောက်ဆုံးတော့ ငွေကြေးက လူတွေရဲ့ဘ၀ကို မြှင့်တင်ပေးသတဲ့လား”လို့ Suelo က သူ့အမြင်ကို ပြောတယ်။

ဒီအတွေ့အကြုံကြောင့် Suelo ရဲ့ အတွေးအခေါ်၊ အယူအဆနဲ့ ဘ၀ဒဿနတွေ ပြောင်းသွားတယ်။ နောက်ဆုံး အခု Moab မြို့က အမျိုးသမီး ဒုကသည်စခန်းကို ရောက်လာတယ်။ ဒါပေမဲ့ ငွေကြေး၊ ရာထူး၊ အဆောင်အယောင်တွေနဲ့ လဲပြီး လူတွေကို ကူညီတယ်လို့ ပြောရတာ သူ့အတွက် စိတ်မသန့်စရာ ဖြစ်လာတယ်။ Suelo က Christian ဘာသာဝင်တယောက်ပါ။ Jesus ရဲ့ နောက်လိုက်ကောင်းဖြစ်ဖို့ ခြိုးခြံချွေတာရမယ်။ Sermon on the Mount ထဲက အဆုံးအမအတိုင်း “ပိုင်ဆိုင်မှုတွေကို စွန့်၊ ကြွေးဟောင်း ကြွေးသစ်တွေနဲ့ ကင်းအောင်နေရမယ်”လို့ Suelo က ယုံကြည်တယ်။

၁၉၉၉ ခုနှစ်ရောက်တော့ Thai က ဗုဒ္ဓဘာသာ ဘုန်းကြီးကျောင်းတကျောင်းမှာ အချိန်ယူပြီး သွားလေ့လာတယ်။ India ကို ကူးပြီး ဆာဒူးကြီးတွေကြားထဲ တပည့်ခံလိုက်သေးတယ်။ India နိုင်ငံရဲ့ လမ်းတွေနဲ့ တောကျိုအုံကြား ခြေသလုံးအိမ်တိုင် လျှောက်သွားပြီး အမှန်တရားကို ရှာနေတဲ့ ဆာဒူးတွေကို အားကျတယ်။ “ဒါပေမဲ့ India မှာ ဆာဒူးလုပ်လို့ ဘာထူးမှာလဲ။ ကမ္ဘာပေါ်မှာ ရုပ်ဝတ္ထုနဲ့ ငွေကြေးအရ အကြွယ်ဝဆုံး America ကို ပြန်ရောက်ရင် ဆာဒူးတယောက်လို နေနိုင်ပါဦးမလားလို့ ကိုယ့်ကိုကိုယ် စမ်းကြည့်ချင်တယ်”လို့ Suelo က သူ့ပြည်တော်ပြန် ဇာတ်လမ်းကို ပြောတယ်။

x x x

Suelo ရဲ့ ကျောက်ဂူလေးက လူနှစ်ယောက်မဆန့်ဘူး။ ဒီတော့ ကျွန်တော်က အပြင်ထွက်ပြီး ပေတရာကျော်မြင့်တဲ့ ကျောက်တောင် အစွန်းမှာ အိပ်ရတယ်။ ညဖက် ချောင်းစပ်မှာ ရေသောက်ဆင်းတဲ့ ခြသေ့င်္တွေရဲ့ ဟိန်းသံကို ကြားတယ်။ အောက်က ၀ါခင်းထဲ ယုန်လိုက်နေတဲ့ တောကြောင်တွေကို တွေ့တယ်။ Suelo အတွက် အဆိုးဆုံးဝါးဆုံး အတွေ့အကြုံအနေနဲ့ ရှဥ့်တကောင်က သူ့မျက်နှာပေါ်ခွပြီး သေးပန်းဖူးသတဲ့။ တခါတလေ ကြွက်တွေက သူ့ကိုယ်ပေါ် ဖြတ်ပြေးတယ်။ ကြမ်းပိုးကလည်း ရှိသေးတယ်ဆိုပဲ။ “ဘာပဲဖြစ်ဖြစ်လေ။ ဒီဂူထဲ သူတို့လည်း နေခွင့်ရှိတာပဲ”လို့ Suelo က ပြောလိုက်သေးတယ်။

ငွေဆိုလို့ ခြူးတပြားမှ မရှိတဲ့ ဘ၀တခုမှာ ရှင်သန်ဖို့ အတော်ခက်ခဲမယ့်အကြောင်း ကျွန်တော်က သတိပေးပါသေးတယ်။ သမုဒ္ဒရာဝမ်းတထွာကိစ္စကို ဘယ်လိုဖြေရှင်းမလဲ။ Suelo ကတော့ ထမင်းတနပ်တောင် မငတ်ဖူးဘူးဆိုပဲ။ (မြို့ပေါ်က လူတွေက သူ့ဆို ကျွေးချင်မွေးချင်တာလည်း ပါလိမ့်မယ်။) သေလုမျောပါး ဖျားနာရင်ရော ဘယ်လိုလုပ်မလဲ။ တခါတော့ ကြုံဖူးတယ်တဲ့။ မစားကောင်းတဲ့ အသီးတွေ စားမိရာကနေ ဗိုက်အောင့်ပြီး အော့အန်တယ်။ သေလုမျောပါးပဲ။ ကိုယ့်ကိုကိုယ် သေပြီထင်လို့ သေတမ်းစာတောင် ရေးဖူးတယ်ဆိုပဲ။ ဒါပေမဲ့ မသေကောင်းမပျောက်ကောင်း ထူထူထောင်ထောင် ပြန်ဖြစ်လာတယ်။

New York မြို့ကြီးမှာ တလကို $2,400 ပေးပြီး အခန်းငှားနေတဲ့ ကျွန်တော့်အကြောင်းကို ပြောတော့ သူ့ခေါင်းကို တွင်တွင်ရမ်းတယ်။ ကျွန်တော်ကို ဂရုဏာသက်တဲ့ မျက်လုံးတွေနဲ့ ကြည့်တယ်။ သူ့အကြောင်း ဆောင်းပါးရေး၊ မဂ္ဂဇင်းထဲထည့်ပြီး ပိုက်ဆံရှာမယ့်အကြောင်းကိုတော့ ပြောမထွက်ဘူး။ သူပြောသလို လူတွေရဲ့ရမ္မက်ဆန္ဒကို နှိုးဆွပေးတဲ့ ကြော်ငြာခတွေပေါ် ရပ်တည်ပြီး အသက်ဆက်ရတဲ့ ကျွန်တော်တို့ မဂ္ဂဇင်းလောကအကြောင်း တွေးမိသေးတယ်။ ကျွန်တော်အတွက် သူ့လို ကျောက်ဂူလေးတလုံးကို အိမ်လုပ်ပြီး နေနိုင်စားနိုင်ဖို့ ဝေးပါသေးတယ်။ နီယွန်မီးရောင်ထိန်တဲ့ မြို့ပြမှာပဲ ပျော်တယ်။

Suelo အသက် (၄၈) နှစ် ရှိပါပြီ။ အိုမင်းမစွမ်းနေ့တွေအတွက် ပင်စင်ထောက်ပံ့ကြေးတွေ၊ အသက်အာမခံတွေ မရှိတာလည်း သေချာတယ်။ “ဒီလျှိုမြှောင်ကြီးထဲ ကျွန်တော်သေသွားလို့လည်း ၀မ်းနည်းစရာမလိုဘူး။ ဆေးရုံနံရံတွေကြားထဲ အာမခံကြေးတွေတပွေ့တပိုက်နဲ့ သေလည်း ဘာထူးမှာတုန်း။ သဘာဝတရားရဲ့ ရွေးချယ်မှုကို ကျွန်တော်တို့အားလုံး မလွန်ဆန်နိုင်ဘူး။ တနေ့တော့ ထွက်သွားရမှာပဲ”လို့ Suelo က သူ့ဒဿနကို ပြောပြေသေးတယ်။ ကျွန်တော်ကိုယ်တိုင် Suelo ရဲ့ စကားတွေကို အပြည့်အ၀ နားလည်ဖို့ ဥာဏ်မမှီသေးဘူး။ ဒါပေမဲ့ ခြိုးခြံမှုပေါ်အရင်းခံတဲ့ သူ့ဘ၀က ရိုိးရှင်းတယ်။ မွန်းကျပ်နေတဲ့ ဘ၀တွေထဲက ကိုယ်နဲ့ယှဉ်ပြီး Suelo ကို လေးစားမိတာတော့ အမှန်ပဲ။

(MenStyle မဂ္ဂဇင်းမှာ Christopher Ketcham ရေးတဲ့ Could You Survive Without Money? ဆောင်းပါးကို တတ်သလောက်မှတ်သလောက်နဲ့ ဘာသာပြန်ပါတယ်။)

ခပ်မွဲမွဲပဲ ကျွေးချင်တယ်

(burnt suger) Flickr.com

အစားအသောက်နဲ့ ပတ်သက်လို့ကတော့ ဟင်းပွဲအမယ်ပေါင်းစုံနဲ့ ရွေးချယ်စရာတွေ ပိုများလာတိုင်း မဆန့်မပြဲပိုစားဖြစ်တယ်။ ဥပမာ `ဘူဖေး´လိုပေါ့။

`အီလီနွိုက်´နဲ့ `ပင်ဆီဗေးနီးယား´ တက္ကသိုလ်တွေက သုတေသနတခုရဲ့ အဆိုအရ ဟင်းပွဲတွေကို ခင်းကျင်းပြင်ဆင်တဲ့ နေရာမှာ အနံ့အရသာထက် အရောင်အဆင်းက ပိုပြီး အဓိကကျတယ်။ သုတေသနပညာရှင် `ဘာဘရာခန်း´က လူတွေကို အုပ်စုခွဲပြီး အရောင်အဆင်းမတူတဲ့ `ဂျယ်လီ´ (၈)မျိုးကို ပုံစံမျိုးစုံနဲ့ကျွေးပြီး စမ်းသပ်တယ်။ ပထမအကြိမ် ပန်းကန်လုံးတခုထဲ အရောင်မတူတဲ့ `ဂျယ်လီ´တွေကို တမျိုးစီခွဲပြီး ထည့်ကျွေးတယ်။ ဘာမှ မထူးဘူး။

ဒုတိယအကြိမ် အဲဒီ့ပန်းကန်လုံးထဲမှာပဲ အရောင်မတူတဲ့ `ဂျယ်လီ´ (၈)မျိုးလုံးကို ရောသမမွှေပြီး ထပ်ကျွေးကြည့်တော့ ပထမအကြိမ်ကထက် (၂)ဆမက ပိုစားကြတယ်။ ဘာ့ကြောင့်လဲ။ အရောင်အဆင်းက လူတွေရဲ့အာရုံကို လှည့်စားတယ်။ ရွေးချယ်ချင်စရာတွေ ပေါင်းစုံနဲ့ မြည်းစမ်းကြည့်လိုစိတ်တွေကို အတောမသတ်ဖြစ်စေတယ်။

ကိုယ်အလေးချိန်ကျအောင် ကြိုးစားနေသူတွေအတွက် အိမ်ထမင်းအိမ်ဟင်းက အကောင်းဆုံးပါပဲ။ တကယ်လို့ မဖြစ်မနေ ဆိုင်မှာ ၀ယ်စားဖြစ်ပြီဆိုရင်လည်း ကိုယ့်စိတ်ကြိုက်ဟင်းပွဲ တမယ်ကောင်းကိုပဲ မှာစားဖို့ အကြံပေးပါရစေ။ ဥပမာ ခေါက်ဆွဲကြော်၊ ကြာဇံကြော်၊ ထမင်းပေါင်း စသဖြင့်ပေါ့။ အရောင်အဆင်းပြည့်ုစုံတဲ့ အစားအသောက်တွေကို ကြုံတိုင်း သတိဝိရိနဲ့ ဆင်ခြင်ပါ။ သတင်းစာစက္ကူကို ရရာဖြန့်ခင်းပြီး ဘတ်ကက်ပုံးထဲ ဖြစ်သလိုထည့်ကျွေးတဲ့ လူတွေနဲ့ ပတ်သက်လို့လည်း စိတ်အနှောင့်အယှက် မဖြစ်ပါနဲ့။ မေတ္တာရှေ့ထားပြီး ကျွေးတယ်လို့ သဘောထားဖို့ တိုက်တွန်းရင်း ... ။

မိုးနတ်မင်းကြီးပေးတဲ့ လက်ဆောင်

(New Formula) Flickr.com

အရင်က တရုတ်ပြည်မှာ Chivas Regal သောက်ရင် တိုင်းပြည်ဘဏ္ဍာဖြုန်းတဲ့သူလို့ ပြောခံရလိမ့်မယ်။ အခုတော့ ခေတ်တွေပြောင်းသွားပြီ။ Chivas Regal သောက်မှ လူရာဝင်ပါတယ်။

ဘယ်သူက စပြီး ဘယ်တုန်းက တူးဖော်တွေ့ရှိတယ်လို့ မပြောတတ်ဘူး။ ဇောက်နက်တဲ့ ဖန်ခွက်တခွက်ထဲ ရေခဲများများထည့်၊ Scotch Whiskey နည်းနည်းလောင်း၊ Green Tea လက်ဖက်ရည်ကြမ်းနဲ့ အနေတော်စပ်လိုက်ရင် အတော်ကောင်းဆိုပဲ။ သောက်လေသောက်လေ ငတ်မပြေတဲ့။ (စမ်းကြည့် ကြတာပေါ့။)

တရုတ်ပြည်တလွှားက အရက်ဘားတွေ၊ ကာရာအိုကေခန်းတွေနဲ့ နိုက်ကလပ်တွေထဲတော့ ဒီလိုပုံစံမျိုးစပ်ပြီးသောက်တဲ့ဓလေ့က အတော်ရေပန်းစားတယ်။ အသည်းကောင်းလို့ အရက်တောင်းတာလား။ ၀င်ငွေကောင်းလို့ ရေလောင်းနိုင်တာလား။ ဖြေချင်သလိုဖြေ၊ Chivas Regal ကတော့ ဂုဏ်တုဂုဏ်ပြိုင်တစ်ခုလိုဖြစ်နေပြီ။

ညနေစောင်းတာနဲ့ Beijing မြို့ရဲ့လမ်းဘေးဝဲယာ လူမြင်ကွင်းတွေမှာ မီးထိန်ထိန်လင်းနေတဲ့ Chivas Regal ကြော်ငြာ ဆိုင်းဘုတ်ကြီးတွေကို တွေ့ရလိမ့်မယ်။ 12-year-old Blend လို့ မြင်သာထင်သာရေးထားတဲ့ ဧရာမအရက်ပုလင်းပုံကြီးတွေပေါ့။ တခါတလေ Green Tea အကြမ်းရည်ဘူးတွေတောင်ပါလိုက်သေးတယ်။ လက်လက်ထနေတဲ့ ဖန်ခွက်တွေ၊ အသုံးအဆောင်ပစ္စည်းတွေနဲ့ တခမ်းတနားပြင်ဆင်ထားပုံက ခုချက်ချင်းပြေးပြီး ၀ယ်သောက်ချင်စရာပဲ။

ပြီးခဲ့တဲ့နှစ်တွေထဲ တရုတ်ပြည်ကြီး အရှိန်အဟုန်နဲ့ တိုးတက်တော့ လူလတ်တန်းစားအလွှာလည်း သိသိသာသာ ကျယ်ပြန့်လာတယ်။ ထူးခြားချက်က ဒီလိုလူတွေ အတော်များများ ပညာတတ်တယ်။ ဗဟုသုတကြွယ်တယ်။ အနောက်တိုင်းယဉ်ကျေးမှုကို တနည်းမဟုတ် တနည်းနဲ့ အထင်ကြီးကြတယ်။ အရင်တုန်းကတော့ သူတို့လည်း ပြည်တွင်းဖြစ်ဘီယာလေးတွေ၊ ရိုးရာအရက်ကလေးတွေနဲ့ အာသာဖြေခဲ့ရတာမျိုး။ အခုတော့ စိတ်ကြိုက် ရွေးချယ်စရာ အခွင့်အလမ်းတွေ ပွင့်ကုန်ပြီ။

၂၀၀၆ ခုနှစ်မှာ တရုတ်ပြည်ဟာ ကမ္ဘာ့ဝီစကီအသောက်ဆုံး (၁၀)နိုင်ငံစာရင်းထဲ ခုန်ပျံကျော်လွှားပြီး ၀င်လာတယ်။ တစ်နှစ်အတွင်း ဒေါ်လာ (၁၁၄)သန်းဖိုး ၀ီစကီပေါင်းစုံကို ပြည်ပကတင်သွင်းခဲ့ရတယ်လို့ Scotch Whiskey Association က ထုတ်ပြန်တဲ့စာရင်းအရ သိရပါတယ်။ Chivas Regal ကတော့ တရုတ်ပြည်ရဲ့ ယာမကာဈေးကွက်ကို မင်းမူလာတာ (၅)နှစ်ကျော်ပါပြီ။ တရုတ်ပြည်မှာ ထူးထူးခြားခြားအောင်မြင်ခဲ့လို့ ၂၀၀၇ ခုနှစ်မှာ Chivas ဟာ (၁၂)ပုလင်းဝင် စက္ကူဖာပေါင်း (၄.၄)သန်းနဲ့ သူ့သက်တမ်းတလျှောက် အရောင်းစံချိန်တင်နိုင်ခဲ့တယ်။ Chivas အနေနဲ့ တရုတ်ပြည် ယမကာလောကမှာ သူနဲ့ ယှဉ်စရာဆိုလို့ Hennessy ပဲကျန်တော့တယ်လို့ သိရပါတယ်။

Scotch Whiskey ဆိုပေမယ့် Chivas ကို Pernod Ricard ဆိုတဲ့ ပြင်သစ်ကုမ္မဏီတစ်ခုက လက်ရှိပိုင်ပါတယ်။ စစ်ပြီးခေတ် ၁၉၅၀ ပြည့်လွန်နှစ်တွေတုန်းတော့ U.S လိုနိုင်ငံမျိုးမှာ ထိပ်တန်းရောက်ခဲ့ဖူးတဲ့ ၀ီစကီတစ်ခုပါ။ Frank Sinatra တို့လို ကမ္ဘာကျော်တွေတောင် Chivas ကို အမြတ်တနိုးထားပြီး သောက်ခဲ့ကြတယ်။ ဒါပေမယ့် အခု U.S မှာ Chivas ရဲ့အဆင့်က (၆၉)ပဲ ရှိတော့တယ်။ အသက်ကြီးပိုင်း Golf ၀ါသနာအိုးတွေပဲ သောက်တော့တယ်လို့ သိရပါတယ်။ U.S မှာ ဈေးကွက်မရှိတဲ့နောက် တရုတ်ပြည်မှာ ဘာ့ကြောင့်လာပြီး အောင်မြင်ရသလဲ။ စဉ်းစားစရာပဲ။

Chivas Regal ရဲ့ ကြော်ငြာတွေကြောင့်လို့ ပညာရှင်တွေက သုံးသပ်ပါတယ်။ သူ့ရဲ့ကြော်ငြာတွေက သိပ်ပြီး နန်းဆန်လွန်းတယ်။ ခေတ်ရေစီးကြောင်းနဲ့ ဘာမှမဆိုင်ဘူး။ နောက်ဆုံး ယမကာစံနှုံးအရ ကောင်းမှန်းသိတဲ့ အမာခံပရိတ်သတ်တွေတောင် Chivas ကို ကြုံတောင့်ကြုံခဲ ပွဲလမ်းသဘင်တွေမှာမှ သောက်သင့်တဲ့ အရက်လို့ ခေါင်းထဲစွဲနေကြပြီ။

တရုတ်ပြည်ကို WTO က ကုန်သွယ်မှု စည်းမျဉ်းစည်းကမ်းတွေကိုလျှော့ပေါ့ပေးလိုက်တဲ့ အချိန်ရောက်တော့ Chivas လည်း အများနည်းတူ ဈေးကွက်လာရှာတယ်။ မထင်မှတ်ပဲ တရုတ်ရိုးရာ Green Tea လက်ဖက်ရည်ကြမ်းနဲ့ တွဲပြီးကြော်ငြာလိုက်တာ ဘယ်လိုအစပ်အဟပ်တည့်သွားတယ် မပြောတတ်ဘူး။ ၀က်ဝက်ကွဲအောင်မြင်သွားတယ်။ “မိုးနတ်မင်းကြီးက ပေးတဲ့လက်ဆောင်”လို့တောင် တင်စားကြတဲ့ အထိပဲ။

ဒါပေမယ့် တရုတ်ပြည်မှာ မူပိုင်ခွင့်နဲ့ပတ်သက်တဲ့ ဥပဒေတွေက အခုအချိန်ထိ မပြည့်စုံသေးဘူး။ ကုန်အမှတ်တံဆိပ်တစ်ခုကို ဥပဒေကြောင်းအရ အကာအကွယ်ပေးဖို့ အတော်ခက်ပါတယ်။ Chivas Regal အပါအ၀င် နိုင်ငံတကာအမှတ်တံဆိပ်တွေအတွက် အကြီးမားဆုံး စိန်ခေါ်မှုပါပဲ။

၂၀၀၆ ခုနှစ်တုန်းက နယ်ခံ တရုတ်စီးပွါးရေး စာစောင်တစ်ခုထဲ Chivas ရဲ့ 12-year-old Blend ဟာ တကယ် (၁၂)နှစ်မပြည့်ဘူးလို့ ဖွလိုက်တာ အတော်ရုတ်ရုတ်သဲသဲ ဖြစ်သွားတယ်။ ဒီစာစောင်ထဲမှာ Chivas ဟာ (၁၂)နှစ်တာကာလသက်တမ်းရှိတဲ့ ယမကာတွေရဲ့ စံချိန်စံညွန်းအတိုင်းဖြစ်ဖို့ ခေတ်ပေါ်နည်းပညာတွေနဲ့ လှည့်စားထားတဲ့အကြောင်းကို အကျယ်တ၀င့် ရေးထားတယ်။ တကယ်တမ်း တပုလင်းကို (၃)ဒေါ်လာပဲ တန်တယ်လို့လည်း ပါတယ်။

Chivas Regal ရဲ့ တာဝန်ရှိသူတွေကတော့ အခြေအမြစ်မရှိတဲ့ ကောလဟာလလို့ ပြန်ပြီးချေပတယ်။ ချက်ချင်းဆိုသလိုပဲ British Embassy နဲ့ Scotch Whiskey Association မှာ Chivas 12-year-old Blend ဟာ (၁၂)နှစ် အမှန်တကယ်ဖြစ်ကြောင်း ထောက်ခံချက်ယူတယ်။ ပြီးမှ တရုတ်တရားရုံးတက်ပြီး အဲဒီစာစောင်ကို အသရေဖျက်မှုနဲ့ တရားစွဲတော့တာပဲ။ ပြီးခဲ့တဲ့နှစ်ကတော့ အမှုနိုင်သွားတယ်လို့ ပြောတယ်။ ဒါပေမယ့် Johnnie Walker က ပွဲလန့်တုန်းဝင်ပြီး ဖျာခင်းလိုက်တာ အတော်နေရာရသွားတယ်။

Chivas အနေနဲ့ သူ့ရဲ့ရေရှည်အောင်မြင်မှုအတွက် လူလတ်တန်းစားဈေးကွက်ရဲ့ အဓိကကျပုံကို သဘောပေါက်တယ်။ ဒါပေမယ့် ဒီလူလတ်တန်းစားအလွှာထဲ Elite ဖြစ်ချင်သူတွေက တမှောင့်။ မိုးခါးရေ မသောက်ချင်တာပဲလား။ အမူးသမားချင်း ပိုထူးချင်တာလားတော့ မပြောတတ်ဘူး။ တလောကလုံး Whiskey ရောဂါထနေတာကို ကြည့်ပြီး ဒီလူသိုက်က စိတ်နှလုံးမသာမယာ ဖြစ်နေတယ်။ နောက်ဆုံး အများထက် တမူထူးအောင် အပြင်းဆော်ချင်ရင် Vodka ၊ အပျော့ဆွဲချင်ရင် Champagne နဲ့ လိုင်းပြောင်းဖို့ ကြိုးစားကြတော့တာပဲ။

ဒီလိုလူတွေများကုန်ရင် မခက်ပါလား။ Chivas လည်း တိုက်ကွက်အသစ်တွေ ထွင်ရတယ်။ Chivas 18 နဲ့ Chivas 25 ဆိုတဲ့ အဆင့်မြင့်ဝီစကီတွေကိုပါ ဈေးကွက်ထဲ ကျယ်ကျယ်ပြန့်ပြန့်ဖြစ်အောင် အရှိန်မြှင့်ပြီး ကြော်ငြာတယ်။ ဂုဏ်သရေရှိ လူကြီးလူကောင်းဆိုရင် ၀ီစကီကို ရေမရောပဲ On The Rock သောက်ရတယ်လို့လည်း အသံကျယ်ကျယ်ဟစ်ပြီး နည်းပေးလမ်းပြလုပ်တယ်။ (ချင့်ချိန်ပြီး ယုံပေါ့။ ရေမရောရင် အသေစောမယ်ဆိုလားပဲ။)

Chivas Regal အတွက် တရုတ်ပြည်ဈေးကွက်က သေရေးရှင်ရေးနီးပါး အရေးကြီးနေပါပြီ။ ဒီဈေးကွက်ကို မရမကခြေကုတ်ယူပြီး ကမ္ဘာနဲ့ချီတဲ့ အောင်မြင်နိုင်တဲ့ အခွင့်အလမ်းတွေရှိနေလို့ပါ။ အနာဂတ်မှာ တရုတ်ပြည်တွင်းက Chivas ပရိတ်သတ်တွေ ကမ္ဘာအနှံ ခြေဆန့်ကြဦးမှာ သေချာသလောက်ပဲ။ Chivas Regal နဲ့ Green Tea အလေ့အထကလည်း သူတို့နဲ့အတူ ကမ္ဘာကိုဖြန့်ကျက်နိုင်ပါဦးမယ်။

ကဲ ... ။ ပြောတာတွေလည်း အတော်များသွားပြီ။ ဒါတွေထားပါဦး။ ဘော်ဒါတို့ရော ဒီနေ့ည ဘာတွယ်မယ် စိတ်ကူးထားလဲ။

(Forbes Magazine ထဲ ပါတဲ့ Bottoms Up! ဆောင်းပါးကို ဆီလျှော်အောင် ပြန်ရေးထားတာပါ။)

ဒေါင်လိုက်ဥယျာဉ်၊ စိမ်းလန်းတံတိုင်းနှင့် မိုးပျံတောအုပ်များ

Marché des Halles in Avignon

မနက်က ထုံးစံအတိုင်း မခင်ဦးမေရဲ့ Blog ကို ရောက်သွားတယ်။ Post အသစ်တက်နေပါလား။ စိတ်ချမ်းသာတယ်တဲ့။ သစ်ပင်တွေတောင် မိုးပေါ်ပျံကုန်ပြီ။ ဓါတ်ပုံထဲက အကြောင်းအရာကိုတော့ ကျွန်တော် ချက်ချင်းမှတ်မိတယ်။ ပြင်သစ်ရုက္ခဗေဒ ပညာရှင် Patrick Blanc (ပက်ထရစ်ဘလွန့်ခ်)ရဲ့ လက်ရာပါ။ မနှစ်က သူ Australia က အပြန်၊ Singapore မှာ တထောက်နားတော့ Show ပွဲတစ်ခုလုပ်တယ်။ အဲဒီ့တုန်းက ကျန်ခဲ့တဲ့ သူ့လက်ရာလို့ ထင်ပါတယ်။ Singapore ကို အိမ်ဦးနဲ့ကြမ်းပြင်လို သွားနေတဲ့ အသိတယောက်က ပြောဖူးလို့ Patrick Blanc အကြောင်း ရင်းနှီးနေတာ ကြာပါပြီ။

Pershing Hall Hotel

ဒီနေ့ခေတ်မြို့ပြလူနေမှု ဘ၀ကလည်း သိတဲ့အတိုင်းပဲ။ လေးဖက်လေးတန် နံရံတွေကြားထဲ မွန်းကျပ်ပြီး သဘာဝမဟုတ်တဲ့ ဓါတ်မီးရောင်အောက်မှာ ကျင်လည်ကျက်စားရတယ်။ မြို့ပြအင်ဂျင်နီယာတွေ၊ ဗိသုကာဆရာတွေကလည်း ဒါကို သဘောပေါက်ပါတယ်။ ခက်တာက သစ်ပင်ပန်းမာန်တွေနဲ့ ဝေေ၀ဆာဆာဖြစ်ဖို့ မြေနေရာက ရှားသထက်ရှားနေပြီ။ ဘယ်နေရာကြည့်ကြည့် မိုးထိအောင်ထိုးတက်နေတဲ့ နံရံတွေကိုပဲ စိမ်းစိမ်းလန်းလန်း ဖြစ်အောင် ဖန်တီးဖို့လိုပြီ။ ဒီမှာတင် Vertical Garden (ဒေါင်လိုက်ဥယျာဉ်)၊ Green Wall (စိမ်းလန်းတံတိုင်း)နဲ့ Sky Farm (မိုးပျံတောအုပ်)တို့လို ဝေါဟာရတွေပေါ်လာတယ်။

CaixaForum, Madrid, Spain

ဘီစီ (၆၀၀)၀န်းကျင်က အရှေ့အလယ်ပိုင်း ဘေဘီလုံမှာ Hanging Garden (မိုးပျံဥယျာဉ်)ဆိုပြီး ရှိခဲ့ဖူးတယ်။ ရှေးဟောင်းကမ္ဘာအံ့ဖွယ် (၇)ပါး စာရင်းဝင်ပေါ့။ အုတ်တံတိုင်းပေါ် ကျောက်ကျိုကျောက်ကြား ပေါက်တဲ့ မြေလျှောက်နွယ်ပင်လေးတွေနဲ့ အိမ်ကို အလှဆင်တာလည်း ဥရောပနိုင်ငံတွေမှာ ကြာပါပြီ။ Singapore မှာတောင် တွေ့တယ်။ ဒါပေမယ့် ခေတ်သစ် အဆောက်အဦခိုင်ခံ့မှုနဲ့ ပတ်ဝန်းကျင်ညစ်ညမ်းမှုကို အနှောင့်အယှက်မပေးပဲ စရိတ်စကသက်သာတဲ့ မိုးပျံဥယျာဉ်မျိုးကို ဖန်တီးဖို့ကတော့ အခက်အခဲရှိတယ်။

Patrick Blanc at work

နည်းမျိုးစုံနဲ့ ဖြစ်အောင်ကြိုးစားကြသူတွေထဲ နှာတဖျားသာပြီး လမ်းသစ်ဖောက်နိုင်သူက Patric Blanc ပါ။ သူက အဆောက်အဦ နံရံတွေမှာ သတ္တု Frame တွေ ဆင်ပြီး PVC ပိုက်တွေ တွဲတယ်။ အပေါ်ကနေ Plyamide အစကို အထပ်ထပ်ပတ်ပြီး ပန်းပင်မျိုးစုံကို စိုက်ကြည့်တာ အောင်မြင်သွားတယ်။ Vertical Garden လို့ သူပေးတဲ့ နာမည်နဲ့ပဲ လူသိများလာတယ်။ အပင်တွေအတွက် လိုအပ်တဲ့ ရေနဲ့ အဟာရကိုတော့ ဒီပိုက်တွေထဲကနေပဲ ဖြန့်တယ်။ သတ္တု Frame၊ PVC ပိုက်နဲ့ အပင်တွေ ပါမှ တမီတာပတ်လည်ကို 30kg ပဲရှိလို့ ဘယ်အဆောက်အဦရဲ့ နံရံမျိုးဆို ခံနိုင်ရည်ရှိမယ်တဲ့။ ဒီ Vertical Garden ဆိုတဲ့ Concept နဲ့ပဲ Patrick တစ်ယောက် နိုင်ငံတကာအသိအမှတ်ပြု ဂုဏ်ထူးဆောင်လက်မှတ်တွေ၊ ဆုတံဆိပ်တွေ ရလိုက်တယ်။

French Museum, Paris

Paris မြို့ Eiffel Tower နားက ပြတိုက်နံရံမှာ Patrick ရဲ့ကနဦးပိုင်းလက်ရာကို တွေ့နိုင်ပါတယ်။ အလျားမီတာ (၂၀၀)ကျယ်ပြီး အမြင့် (၁၂)မီတာမြင့်တဲ့ နံရံပေါ်မှာ အပင်ပေါင်းစုံနဲ့ အလှဆင်ထားတာပါ။ ဒီလက်ရာနဲ့ပဲ Patrick ကို စပြီး လူသိများခဲ့တယ်။ (ဒီမှာ သူ့ Interview ပါ။) လက်ရှိ အိန္ဒိယ၊ ဂျပန်နဲ့ ဥရောပတခွင်မှာ သူ့လက်ရာတွေ အတော်ခေတ်စားနေပါပြီ။ Bangkok မှာတော့ Siam Paragon Shopping Center နဲ့ Emporium Bangkok မှာ သူ့လက်ရာတွေ ရှိတယ်လို့ ပြောတာပဲ။ ကြုံကြိုက်လို့ ရောက်သူများ Digital Camera ပါရင်ရိုက်ပြီး Blog ပေါ်တင်ကြပေါ့။ (အားလုံးစိတ်ချမ်းသာအောင် မြင်ကွင်းကောင်းကောင်း၊ ကြည်ကြည်လင်လင်နဲ့ ပညာကုန်ထုတ်ပြီး ရိုက်ဖို့တော့ မမေ့နဲ့။)

Siam Paragon, Bangkok

လက်ရှိကမ္ဘာတစ်လွှားက Landscaping နဲ့ Decoration ကုမ္ပဏီတွေအားလုံး Patrick Blanc ရဲ့ ခြေရာကိုနင်းပြီး အလုအယက်စီးပွါးရှာဖို့ ကြိုးစားကုန်ပြီ။ မြို့ပြနေရာအနှံ့မှာ စိမ်းစိမ်းစိုစိုရှိတော့မယ်။ မကြာမီလာမည် မျှော်ဆိုပဲ။ ပျော်စရာကြီးပေါ့။ (ဓါတ်ပုံတွေကတော့ Blog တကာပတ်ပြီး ခွင့်မတောင်းပဲ ယူလာတာ။ Camera ဆိုလို့ နတ္ထိ၊ 2.0 MG Pixels နဲ့ Phone အစုတ်လေးကိုပဲ အဟုတ်လုပ်ကိုင်နေရတဲ့ လူဆင်းရဲလေးမို့ ခွင့်လွှတ်ကြမယ် ထင်ပါတယ်။)

နာမည်ပြောင်းဇာတ်လမ်း

(နာမည်တွေနဲ့ ပတ်သက်လို့ ကျွန်တော်စိတ်လျှော့ထားတယ်။ ကျွန်တော့် သားနဲ့သမီးကို နာမည်ပေးတုန်းကပဲ ကြည့်။ တစ်ဆွေလုံး တစ်မျိုးလုံး အငြင်းပွါးကုန်တယ်။ မင်းသိင်္ခ၊ စံဇာဏီဘို၊ ကွန်ပျူတာ ဗေဒင်၊ ဆန်း၊ နက္ခတ်။ အားလုံးကို ရှုပ်နေတာပဲ။ နောက်ဆုံး ကျွန်တော်ပဲ ဘေးထွက်ပေးလိုက်ရတယ်။ အငြင်းပွါးမယ့်သူ တစ်ယောက်လျော့သွားတာပေါ့။

ဒါ့ထက် ကျွန်တော်နာမည်ရင်းကို ဗေဒင်ကိန်းခန်းနဲ့ ကြည့်ရင် မကောင်းဘူးဆိုပဲ။ မတတ်နိုင်ဘူး။ မိဘတွေက အမြတ်တနိုးပေးထားတာ။ ဘာဆိုင်လို့ ပြောင်းရမှာလဲ။ ၀ဋ်ခံရလှ ခဏပေါ့။ ပျော်ပျော်ပါးပါးပဲ။

တလောက Reader's Digest အဟောင်းလေး တစ်အုပ်ဖတ်ရင်းနဲ့ နာမည်ပြောင်းတွေအကြောင်း ရေးထားတဲ့ Essay တစ်ခုကို သဘောကျလို့ပါ။ ဒါနဲ့ အဆင်ပြေသလို ဘာသာပြန်ကြည့်ရင်း အခု Post လုပ်လိုက်တာ။ တလွဲဖြစ်ရင် ကျွန်တော်မှာ တာဝန်ရှိပါတယ်။ ကြံရာမရ ဆားချက်သွားတယ်ပြောလည်း ခံရမှာပဲ။ ခွင့်လွှတ်ပြီးသာ ဖတ်ကြ။)

x x x

လေဆိပ်ထဲက ကျွန်တော်ထွက်တော့ အပူချိန် 41 degree Celsius လို့ သိရတယ်။ Chennai မြို့ကိုသွားတဲ့ အငှားကားပေါ်မှာ အပူရှိန်ပြင်းပုံက ပေါင်းအိုးထဲ ၀င်ထိုင်နေရသလိုပဲ။ အရင်တုန်းက Madras လို့ လူသိများခဲ့တဲ့ India နိုင်ငံတောင်ပိုင်းက မြို့တစ်မြို့ကို Chennai လို့ ဘယ်တုန်းက ပြောင်းလိုက်မှန်းမသိတော့ ကားသမားကို မေးရတယ်။ “1996 တုန်းကပေါ့ဗျာ။ Madras ကနေ Chennai လို့ ပြောင်းသွားလည်း ရာသီဥတုကတော့ ပူတာပါပဲ” လို့ နဖူးကချွေးစကို တံတောင်နဲ့သုတ်ရင်း ဖြေတယ်။

ပြီးခဲ့တဲ့ သုံးလေးနှစ်တုန်းက St. Petersburg မြို့ကို ရောက်တော့ “ပြည်နယ်ယဉ်ကျေးမှုပြတိုက်”က လမ်းပြလေးပြောတဲ့ ဟာသတစ်ပုဒ်ကို သွားသတိရတယ်။ တစ်ခါက St. Petersburg မြို့ရဲ့ လမ်းတွေပေါ်သွားနေတဲ့ အဖိုးကြီးတစ်ယောက်ကို လျှပ်တပျက် အင်တာဗျူးတယ်။
“အဖိုးကို ဘယ်မှာမွေးလဲ။”
“St. Petersburg မှာပါ။”
“အဖိုး ကျောင်းနေတော့ ဘယ်မှာလဲ။”
“Petrograd မှာကွဲ့။”
“အဖိုး အလုပ်ဝင်တော့ရော။”
“Leningrad မှာလေကွာ။”
“အဖိုး ဘယ်မှာခေါင်းချမယ် စိတ်ကူးလဲ။”
“St. Petersburg မှာပေါ့။”
St. Petersburg ဆိုတာကတော့ Russia နိုင်ငံရဲ့ ဒုတိယအကြီးဆုံးမြို့ပါ။ လူတစ်ယောက်ရဲ့ ဘ၀တစ်သက်တာမှာတင် နာမည်လေးကြိမ် ပြောင်းသွားတော့ ပြောစရာဟာသတွေဖြစ်ကုန်တယ်။

ကမ္ဘာပေါ်က နေရာဒေသအားလုံးမှာ တင်စားလို့ပဲဖြစ်ဖြစ်၊ ထင်ရှားလို့ပဲဖြစ်ဖြစ် သူ့အရပ်သူ့ဇာတ်နဲ့ ကင်ပွန်းတပ်ထားတဲ့ နာမည်တွေရှိတယ်။ တခါတလေတော့ ဒီနာမည်တွေလည်း သင်္ခါရသဘောကို မလွန်ဆန်နိုင်ဘူး။ ပတ်ဝန်းကျင် အနေအထားနဲ့ လူတွေရဲ့ အစွဲအလမ်းကိုလိုက်ပြီး အပြောင်းအလဲတွေဖြစ်ရတယ်။ ဒါပေမယ့် ပြီးခဲ့တဲ့နှစ်တွေထဲ ဒီနာမည်အပြောင်းအလဲ ဇာတ်လမ်းတွေက ပိုပြီး အရှိန်အဟုန်မြင့်လာသလိုပဲ။ မြေပုံဆရာတွေ၊ ဆိုင်းဘုတ်ရေးသူတွေ၊ စာပို့သမားတွေ၊ ဘူမိဗေဒပညာရှင်တွေ၊ ကမ္ဘာလှည့်ခရီးသည်တွေ အားလုံး မျက်စေ့လည်ကုန်တယ်။

များသောအားဖြင့် ဒီနာမည်ပြောင်းဇာတ်လမ်းတွေရဲ့ နောက်ကွယ်မှာ ပထ၀ီနိုင်ငံရေးက အဓိကကျတယ်။ ကမ္ဘာ့အကြီးဆုံး ဆိုဗီယက်ပြည်ထောင်စုကြီး ပြိုကွဲတော့ လွတ်လပ်တဲ့နိုင်ငံ (၁၃)နိုင်ငံတောင် ထွက်လာတယ်။ Moldavian Soviet Socialist Republic က Moldova ။ Kirghizia က Kyrgystan စသဖြင့်ပေါ့လေ။ နာမည်အသစ်ကိုယ်စီနဲ့ ကမ္ဘာမြေပုံပေါ်မှာ နေရာရကုန်တယ်။ ဒါကို ဖြစ်ရိုးဖြစ်စဉ် ကိစ္စတစ်ခုလို့ ပြောရင်တော့လည်း ရတယ်။

ဒါပေမယ့် ဒီနေ့ခေတ် Globalization ရဲ့ အရှိန်အဟုန်နဲ့ လူသိရှင်ကြား နာမည်အပြောင်းဆုံးနိုင်ငံက India ပဲ။ India အနေနဲ့ အတိတ်က ကိုလိုနီစနစ်ရဲ့အမွေဆိုးတွေကို ပြောင်းပြန်လှန်ပစ်ချင်ပုံရတယ်။ အင်္ဂလိပ်တွေ ပေးခဲ့တဲ့ နာမည်မှန်သမျှကို ပြောင်းပစ်ဖို့ ကြိုးစားတော့တာပဲ။ Bombay ကနေ Mumbai ။ Bangalore ကနေ Bengaluru စသဖြင့် ပေါ့လေ။ အားလုံး သိပြီးသားနေမှာပါ။

အာဖရိကနိုင်ငံတွေလည်း ထူးမခြားနားပဲ။ အရင် အင်္ဂလိပ်တွေ တန်ခိုးထွားတုန်းက လူသိများခဲ့တဲ့ Rhodesia ဆိုရင် လွတ်လပ်ရေးရတာနဲ့ Zimbabwe လို့ ပြောင်းလိုက်တယ်။ ဘိုးဘွားပိုင်နာမည်လို့ ပြောတာပဲ။ Democratic Republic of Congo က 1971 မှာ Zaire လို့ နာမည်ပြောင်းတယ်။ ၂ရ နှစ်ကြာပြီးတော့ အခု Congo ပြန်ဖြစ်သွားပြီ။ ဘာ့ကြောင့်မှန်းတော့ မသိဘူး။ Ivory Coast ကလည်း မူရင်း အင်္ဂလိပ်လိုခေါ်ရာကနေ ပြင်သစ်လို ပြောင်းလိုက်တယ်။ Côte d'Ivoire တဲ့။

Philippines လည်း သူ့ဒုက္ခနဲ့သူပဲ။ နှစ်ပေါင်း ၅၀၀ နီးပါး လူသိများခဲ့တဲ့ Philippines ဆိုတဲ့ နာမည်ကို စပိန်နယ်ချဲ့တွေက ပေးခဲ့တာပါ။ ၁၆ ရာစုတုန်းက ဒီကျွန်းစုကို သိမ်းပိုက်ခဲ့တဲ့ စပိန်ဘုရင် Philip II ကို အမှတ်တရ ဂုဏ်ပြုထားတဲ့ နာမည်တဲ့။ ဒီတော့ သူတို့လည်း လက်ရှိနိုင်ငံနာမည်ကို Maharlika လို့ ပြောင်းပစ်ဖို့ ကြိုးစားနေတာ ကြာပြီ။ စပိန်နယ်ချဲ့တွေလက်အောက် မရောက်ခင်တုန်းက ရိုးရာနာမည်လို့ ပြောတာပဲ။ Warrior လို့ အဓိပ္ပါယ်ရတယ်။ ဒါပေမယ့် ဒီလိုပြောင်းဖို့ကြိုးစားတိုင်း ဆင်ဖိုးထက်ချွန်ဖိုးကြီးနေလို့ လက်လျှော့နေရပုံပဲ။

ဘယ်တိုင်းပြည်၊ ဘယ်လူမျိုးပဲ ဖြစ်ဖြစ် အတိတ်ရဲ့ အရိပ်ဆိုးတွေအောက်က ရုန်းထွက်ချင်တာ သဘာဝပဲ။ ဒါပေမယ့် လက်တွေ့ကျကျ အကျိုးအမြတ်ကို အချိန်ယူစဉ်းစားသင့်တယ်။ ဒီထက်ပိုပြီး အာဏာရူးတွေရဲ့ လှည့်ကွက်ထဲ မျောပါမသွားဖို့ အရေးကြီးတယ်။ နောက်ဆုံး နိုင်ငံနာမည်သာ ပြောင်းသွားတယ်။ နိုင်ငံသားတွေကတော့ ဆင်းရဲတွင်းနက်တုန်းပဲ။ အရင်ကထက်တောင် ပိုဆိုးသွားတဲ့ သာဓကတွေလည်း ရှိတယ်။

Mombai အကြောင်းစာအုပ် ကိုးအုပ်ရေးပြီး ကမ္ဘာကျော်ခဲ့တဲ့ စာရေးဆရာ Sharada Dwivedi က ဒီနာမည်ပြောင်းဇာတ်လမ်းတွေရဲ့ နောက်ကွယ်က မရင့်ကျက်တဲ့ နိုင်ငံရေးအမြင်တွေကို ဝေဖန်တယ်။ “တကယ်တော့ ဒီနာမည်တွေက တိုင်းသူပြည်သားတွေရဲ့ အမှတ်တရဖြစ်ရပ်တွေကို ကိုယ်စားပြုတယ်။ သူတို့ ကျော်ဖြတ်ခဲ့ရတဲ့ သမိုင်းကြောင်းပဲ။ ဘိုးဘွားအမွေအနှစ်လို့ ပြောရင်လည်းဖြစ်တယ်။ နှစ်ပေါင်း ၃၀၀ လောက်သက်တမ်းရှိတဲ့ သမိုင်းကြောင်းကို နာမည်လေးပြောင်းရုံနဲ့ ပိုကောင်းအောင် လုပ်လို့ဘူး။ အဲဒါ မျိုးချစ်စိတ်မဟုတ်တာ သေချာတယ်။ နိုင်ငံရေးစတန့်ထွင်တာပါ” လို့ သူ့အမြင်ကို ပြောပါတယ်။

တလောက Singapore ကျွန်းကို ခဏရောက်တယ်။ Victoria လမ်းမပေါ် ဥဗဟိုပြုသွားနေတဲ့ Bus တွေလည်း သူ့တာဝန်နဲ့သူ အရင်အတိုင်းပဲ။ Havelock ၊ Mountbatten နဲ့ Raffles လမ်းတွေဆိုရင် ပိုပြီးတောင် အသက်ဝင်လာသလို ရှိတယ်။ Hong Kong ကျွန်းကိုလည်း သွားကြည့်ပါဦး။ Victoria Park Road ၊ Old Bailey Street နဲ့ Aberdeen Tunnel စသဖြင့်ပေါ့။ လမ်းနာမည်တွေ ဘာတစ်ခုမှ မပြောင်းသေးဘူး။ ဒါပေမယ့် အရေးပါအရာရောက်တဲ့ တိုးတက်ပြောင်းလဲမှုတွေကတော့ အတော်သိသာတယ်။

အားကိုးစရာ သယံဇာတဆိုလို့ မရှိသလောက်ရှားတဲ့ ကျွန်းနိုင်ငံလေးတွေ။ ဒါပေမယ့် မျက်မှောက်ခေတ် အာရှစီးပွားရေးရဲ့ ဗဟိုချက်တွေ ဖြစ်နေပြီ။ သူတို့နှစ်နိုင်ငံလုံး ကိုလိုနီစနစ်ရဲ့ ဆိုးမွေကောင်းမွေအားလုံးကို ကျေကျေနပ်နပ်နဲ့ လက်ခံပြီး ကောင်းသထက်ကောင်းအောင်ပဲ အာရုံစိုက်ကြတယ်။ တိုးတက်ရာ တိုးတက်ကြောင်း ရုန်းကန်ရလွန်းတော့ နာမည်ပြောင်းဖို့ကိစ္စကို မေ့နေတာမျိုးလည်း ဖြစ်နိုင်တယ်။ ဒါမှမဟုတ် သူတို့မှာ နာမည်ပြောင်းရလောက်အောင် ကြီးကျယ်ခမ်းနားတဲ့ သမိုင်းကြောင်းအခြေခံ မရှိခဲ့လို့လား။ ကျွန်တော် တွေးကြည့်နေတုန်းပဲ။

(William Ecenbarger ရဲ့ Goodbye Madras ကို အဆင်ပြေသလို Translate လုပ်ထားတာပါ။)