ရှန်းဇန့် - အပိုင်း (၉)

နောက်ဆုံးသင်ခန်းစာ

(ပြင်သစ်စာရေးဆရာ Alphonse Daudet ရဲ့ The Last Lesson ဆိုတဲ့ ၀တ္တုတိုလေးကို ဘာသာပြန်ထားတာပါ။

ဒီဝတ္တုတိုလေးနဲ့ပတ်သက်တဲ့ သမိုင်းကြောင်း နောက်ခံကိုလည်း ရှင်းပြပါရစေ။ ၁၈၇၀ မှာ ပြင်သစ်နဲ့ ဂျာမန်အင်ပါယာကြား စစ်ဖြစ်ကြတယ်။ Franco-Prussian War လို့ ခေါ်ပါတယ်။ နောက်ဆုံး ပြင်သစ်တွေ စစ်ရှုံးလုနီးပါးဖြစ်ပြီး Alsace နဲ့ Lorraine နယ်တွေကို ဂျာမန်တွေလက်ထဲ အပ်လိုက်ရတယ်။ ဒီတော့ ပြင်သစ်နဲ့ ယဉ်ကျေးမှုရော၊ ဘာသာစကားပါ အပြိုင်ဖြစ်နေတဲ့ ဂျာမန်တွေက ဒီနယ်တွေမှာ ပြင်သစ်ဘာသာစကားကို စွန့်ခိုင်းပြီး ဂျာမန်ဘာသာစကားနဲ့ အစားထိုးဖို့ ကြိုးစားပါတယ်။ ဒီဖြစ်ရပ်လေးပေါ် အခြေခံပြီး ကလေးတယောက်ရဲ့အမြင်နဲ့ ရေးဖွဲ့ထားတဲ့ ၀တ္ထုတိုလေးတပုဒ်ပါ။

ဒါပေမဲ့ မျက်မှောက်ခေတ်မှာ ဒီနယ်နှစ်ခုလုံးကို ပြင်သစ်ကပဲ ပိုင်ပါတယ်။

"နောက်ဆုံးသင်ခန်းစာ"

အဲဒီမနက်က ကျွန်တော် ကျောင်းသွားတော့ အတော်နောက်ကျနေပြီ။ ဆူပူကြိမ်းမောင်းခံရမယ့် အရေးတွေးပြီး အကြောက်လွန်မိတယ်။ အထူးသဖြင့် မွန်စီယာအားမဲလ်ကိုပါ။ သူက ကျွန်တော်တို့ကို ပုံမှန်မဟုတ်တဲ့ တြိယာတွေနဲ့ပတ်သက်ပြီး စစ်ကြောမေးမြန်းမယ့်အကြောင်း အသိပေးထားပါတယ်။ ကျွန်တော် တလုံးဆို တလုံးမှ မသိသေးဘူး။ ကျောင်းပြေးပြီး လယ်ကွင်းတွေထဲ လျှောက်သွားဖို့ အခိုက်အတန့်တော့ တွေးမိသေးတယ်။

နွေးထွေးပြီး သာယာတဲ့ နေ့တနေ့ပါ။ တောစပ်မှာ ငှက်မည်းလေးတွေ တေးသီနေသံကို ကြားရတယ်။ သစ်စက်ရဲ့နောက်ဖက်၊ ကွင်းပြင်ကျယ်ကြီးထဲမှာတော့ ပရပ်ရှန်းစစ်သားတွေ စစ်ရေးပြလေ့ကျင့်နေကြတယ်။ ဒါတွေအားလုံး ကျွန်တော့်အတွက် တြိယာသဒ္ဒါ စည်းကမ်းတွေထက် ဆွဲဆောင်မှု ပိုရှိတာ အမှန်ပါပဲ။ ဒါပေမဲ့ ကျွန်တော် အားတင်းပြီး ကျောင်းကိုပဲ အပြေးသွားလိုက်တယ်။

မြို့ဝန်ရုံးရှေ့ ကျွန်တော်ဖြတ်တော့ ကြေငြာစာတမ်းတွေ ထုတ်ပြန်နေကျ ဆိုင်းဘုတ်လေးနားမှာ လူတွေ ရုံးစုနေကြတာကို တွေ့တယ်။ ပြီးခဲ့တဲ့ နှစ်နှစ်လုံး ဒီဆိုင်းဘုတ်လေးကတဆင့် ကျွန်တော်တို့ သတင်းဆိုးတွေ ကြားခဲ့ရတယ်။ ရှုံးနိမ့်သွားတဲ့ စစ်ပွဲတွေအကြောင်း၊ စစ်မှုမထမ်းမနေရ ဆင့်ခေါ်စာတွေနဲ့ မြို့တော်က ချမှတ်တဲ့ အမိန့်တွေစသဖြင့်ပေါ့။ ကျွန်တော်တွေးရင်း ရှေ့ဆက်တယ်။

"ဘာတွေ ဖြစ်နေကြပြန်တာတုန်း"

ရင်ပြင်ကို အပြေးအလွှား ဖြတ်နေတုန်း ပန်းပဲသမားကြီး ၀ပ်ရှာက သူ့တပည့်လက်သားတွေနဲ့အတူ လက်ကမ်းကြေငြာစာ တစောင်ကို ဖတ်ရင်း ကျွန်တော့်ဖက် လှမ်းအော်ပြောတယ်။

"ဖြည်းဖြည်းပေါ့ ငါ့တူရာ။ အချိန်တန်ရင် ကျောင်းရောက်မှာပေါ့"

သူလေသံက ကျွန်တော့်ကို လှောင်ပြောင်နေမှန်း သိသာပါတယ်။ မွန်စီယာအားမဲလ်ရဲ့ ကျောင်းဝင်းလေးထဲ ပြေးဝင်ချိန်ရောက်တော့ ကျွန်တော် မောလွန်းလို့ အသက်ရှုမှားနေပြီ။

အမြဲတမ်းလိုလိုပဲ ကျောင်းတက်ချိန်စတာနဲ့ ဟိန်းထွက်လာတဲ့ အသံကြီးကို ခပ်လှမ်းလှမ်း လမ်းပေါ်ကတောင် ကြားရတယ်။ စာသင်ခုံ ဖွင့်သံပိတ်သံတွေ၊ သံပြိုင်ရွတ်ဆို စာအံသံတွေနဲ့ စည်စည်ကားကားပဲ။ ကျောင်းသူကျောင်းသားတွေအားလုံး ကိုယ့်အသံ ကိုယ်ပြန်ကြားပြီး သင်ခန်းစာတွေကို အမြန်ဆုံး အလွတ်မှတ်မိလွယ်ဖို့ ကျယ်သထက်ကျယ်အောင် အခေါက်ခေါက်အခါခါ ကုန်းအော်ကြတယ်။ ဒီအချိန်မှာ ဆရာကြီးက သူ့ရဲ့ ထူထူထဲထဲ ပေတံတုတ်တုတ်ကြီးနဲ့ စားပွဲကို ရိုက်ရင်း ပြောမယ်။

"နည်းနည်း အသံတိုးကြဦးဟေ့"

ကျွန်တော်ကတော့ ဒီအသံတွေနဲ့အတူ စည်းချက်ညီ လှုပ်ရှားရင်း ကျွန်တော့်ရဲ့ စာသင်ခုံဆီ လူမသိသူမသိ ပုန်းကွယ်သွားနေကျပါ။ ဒါပေမဲ့ ဒီနေ့ ဘာ့ကြောင့်မှန်း မသိ၊ တနင်္ဂနွေမနက်ခင်းတခုလိုပဲ ထူးထူးခြားခြား တိတ်ဆိတ်နေတယ်။ ဖွင့်ထားတဲ့ ပြူတင်းပေါက်ကတဆင့် ကိုယ်စီနေရာယူပြီးနေနှင့်တဲ့ ကျွန်တော့်ရဲ့အတန်းဖော်တွေကို လှမ်းတွေ့တယ်။ မွန်စီယာအားမဲလ်က ကြောက်စရာ သံပေတံကြီးကို ချိုင်းကြားညှပ်ရင်း ခေါက်တုံ့ခေါက်ပြန် လမ်းလျှောက်နေတယ်။ ကျွန်တော်လည်း အခန်းတံခါးတောင် ဖွင့်စရာမလိုပဲ ပကတိ တိတ်ဆိတ်မှုကြီးရဲ့ အလယ်ကို ရောက်သွားပြီ။ ကျွန်တော် ဘယ်လောက်တောင် သိမ်ငယ်ပြီး ဘယ်လောက်တောင် အကြောက်လွန်နေပြီလဲ၊ ခံစားနားလည်ကြမှာပါ။

ဒါပေမဲ့ ထင်သလို မဟုတ်ဘူး။ မွန်စီယာအားမဲလ်က ကျွန်တော်ကို ဒေါသမာန်မပါတဲ့ မျက်လုံးတွေနဲ့ စိုက်ကြည့်ရင်း အခုလို သိမ်သိမ်မွေ့မွေ့ ပြောတယ်။

"ဖရန့် ... ၊ သားရေ ... ၊ မင်းထိုင်ခုံကိုသာ တန်းပြီးသွားပေတော့။ ဆရာတို့ မင်းမပါပဲနဲ့တောင် အတန်းစဖို့ လုပ်နေပြီ"

ကျွန်တော်လည်း ခုံတန်းရှည်ပေါ် တွယ်တက်ပြီး စာသင်ခုံရှေ့ ချက်ချင်းထိုင်လိုက်တယ်။ ကြောက်စိတ် ပြေစပြုချိန်ရောက်မှ အခြေအနေကို သတိထားမိပြီ။ ကျွန်တော်တို့ ဆရာကြီးက ခန့်ညားတဲ့ အပြာရောင်ကုတ်အင်္ကျီ၊ မွှေးပွလည်စည်းနဲ့ အနက်ရောင် ပိုးသားဘောင်းဘီကို ၀တ်ထားတယ်။ ကျွန်တော်သိသလောက် ကျောင်းကို စစ်ဆေးရေးဝင်မယ့်နေ့တွေနဲ့ ဆုပေးပွဲနေ့တွေကလွဲပြီး ဆရာကြီးက ဒီလို ၀တ်လေ့ဝတ်ထ မရှိဘူး။ ဒီထက်ပိုပြီး တတန်းလုံးကို ကြည့်ရတာ သာမာန်မဟုတ်ပဲ အလေးအနက်ထားရမယ့် ကိစ္စတခု ရှိနေသလိုပဲ။ ဒါပေမဲ့ ကျွန်တော် အအံ့သြဆုံးကတော့ စာသင်ခန်းရဲ့နောက်ဖက်၊ အမြဲတမ်းနီးပါး လူမရှိတဲ့ ခုံတန်းရှည်တွေပေါ်မှာ ရွာထဲက လူတချို့ ထိုင်နေကြတယ်။ သူတို့လည်း တိတ်ဆိတ်လို့ပဲ။ သုံးရောင်ချယ် ဦးထုပ်ကြီး ဆောင်းထားတဲ့ အဖိုးကြီးအော့ဆာ၊ ပြီးတော့ သူနဲ့အတူ မြို့ဝန်ဟောင်း၊ စာပို့သမားဟောင်းနဲ့ အခြားသူတွေလည်းပါတယ်။ သူတို့အားလုံးလည်း မျက်နှာမကောင်းကြဘူး။ အော့ဆာက အနားစွန်းတွေ စုတ်ပြဲနေတဲ့ သတ်ပုံစာအုပ် အဟောင်းကြီးကို ပေါင်ပေါ်မှာ ဖွင့်လျှက်သားတင်ပြီး မျက်မှန်အထူကြီးနဲ့ စောင်းရွဲ့ဖတ်နေတယ်။

ကျွန်တော် အရာရာကို နားမလည်နိုင်အောင် ဖြစ်နေတုန်း မွန်စီယာဟာမဲလ်က စင်မြင့်ပေါ်ကို တက်တယ်။ ကျွန်တော်ကို ခရီးဦးကြိုပြုခဲ့သလို နူးညံ့သိမ်မွေ့သော်ငြား၊ တည်ကြည်လေးနက်တဲ့ အသံနဲ့ ကျွန်တော်တို့ဖက် လှည့်ရင်း ပြောတယ်။

"ကလေးတို့ရေ၊ ဆရာ့အနေနဲ့ မင်းတို့ကို စာသင်ခွင့်ရတာ ဒီတကြိမ် နောက်ဆုံးပဲ။ အားလ်ဆပ်စ်နဲ့ လော်ရင်းနယ်တွေမှာရှိတဲ့ ကျောင်းတွေအားလုံး ဂျာမန်လိုကလွဲပြီး တခြားဘာသာစကားတွေနဲ့ မသင်ရတော့ဘူးလို့ ဒီနေ့ပဲ ဘာလင်က အမိန့်စာ ရောက်တယ်။ မနက်ဖြန် ဆရာအသစ်တယောက်နဲ့ အစားထိုးလိမ့်မယ်။ အခုသင်ခန်းစာကတော့ ပြင်သစ်ဘာသာစကားနဲ့ သင်တဲ့ နောက်ဆုံးသင်ခန်းစာပဲ။ ဒါကြောင့် တပည့်တို့အားလုံးကို လေးလေးနက်နက် နားထောင်ပေးဖို့ ဆရာက မေတ္တာရပ်ခံပါတယ်။"

ပြောသွားတဲ့ စကားက ရှည်ရှည်ဝေးဝေး မဟုတ်ပေမဲ့ ကျွန်တော် တုန်လှုပ်မိတယ်။ လူယုတ်မာတွေ ... ၊ မြို့ဝန်ရုံးမှာ တင်ထားတဲ့ ကြေငြာစာကလည်း ဒီအကြောင်းပဲ ဖြစ်မယ်။

ပြင်သစ်ဘာသာစကားနဲ့ နောက်ဆုံးသင်ခန်းစာဆိုပါလား။

ခက်တာက ကျွန်တော် စာတောင် ကောင်းကောင်းမရေးတတ်သေးဘူး။ အခုတော့ နောက်ကျခဲ့ပြီ။ သင်ယူခွင့် မရှိတော့ဘူး။ ပညာတပိုင်းတစနဲ့ ရပ်ရတော့မယ်။ ကျောင်းပြေးပြီး ငှက်ဥလိုက်နှိုက်၊ မြစ်ထဲ ရေဆင်းကူးရင်း ဖြုန်းတီးခဲ့မိတဲ့ အချိန်တွေအတွက် ယူကျုံးမရ ဖြစ်မိတယ်။ သယ်ရတာ လေးလွန်းလို့ ဆိုးဆိုးရွားရွား စိတ်ကုန်နေတဲ့ စာအုပ်တွေအားလုံးက ချက်ချင်းဆိုသလိုပဲ ကျွန်တော့်ရဲ့ မိတ်ဆွေဟောင်းကြီးတွေ ဖြစ်သွားပြီ။ ကျွန်တော့်ရဲ့ သဒ္ဒါ၊ ကျွန်တော် မြတ်နိုးရမယ့် သမိုင်း၊ အခုတော့ သူတို့ကို စွန့်လွှတ်ရတော့မယ်။ မွန်စီယာအားမဲလ် ကိုယ်တိုင်လည်း ကျွန်တော့်လိုပဲ ကြွေကွဲရမယ် ထင်တယ်။ သူ မကြာခင် ကျွန်တော်တို့ကို စွန့်ခွာရတော့မယ်၊ နောက်ထပ်ပြန်တွေ့ဖို့ မလွယ်တော့ဘူးဆိုတဲ့ အသိနဲ့ သူပေးခဲ့တဲ့ ပြစ်ဒဏ်တွေ၊ ပေတံနဲ့ အရိုက်ခံခဲ့ရတာတွေ အားလုံးကို ကျွန်တော်မေ့သွားတယ်။

ဝမ်းနည်းစရာပဲ။ ဆရာကြီးက သူ့ရဲ့ အမြတ်တနိုး ပွဲနေပွဲထိုင် ၀တ်စုံတွေကို ဆင်မြန်းပြီး နောက်ဆုံးသင်ခန်းစာကို ဂုဏ်ယူစွာနဲ့ ပို့ချပေးနေတယ်။ ရွာထဲက လူတွေ၊ အတန်းနောက်မှာ ထိုင်နေရခြင်းအကြောင်းကိုလည်း ကျွန်တော် သဘောပေါက်ပြီ။ သူတို့လည်း ကျောင်းလေးကို ခပ်ပေါ့ပေါ့ထားပြီး လှစ်လျူရှုထားခဲ့မိတဲ့အတွက် နောင်တရကြမှာပါ။ အခုတော့ ပျောက်ကွယ်လုနီးပါး အဖနိုင်ငံတော်ကြီးအတွက် ဦးညွှတ်ရင်း နှစ်ပေါင်းလေးဆယ်ကျော် တာဝန်ကျေပွန်ခဲ့တဲ့ ကျွန်တော်တို့ရဲ့ ဆရာကြီးကို လာရောက်ဂါရ၀ပြုကြပုံပဲ။

အတွေးနဲ့ နစ်မျောနေခိုက် ကျွန်တော့်နာမည် ခေါ်သံ ကြားလိုက်ရတယ်။ ကျွန်တော် စာမေးခံရမယ့် အလှည့်ရောက်ပြီ။ တြိယာနဲ့ပတ်သက်လို့ အရေးပါအရာရောက်တဲ့ သဒ္ဒါစည်းကမ်းတွေကို အစအဆုံး ကျွန်တော် ဘာ့ကြောင့် မသိနိုင်ရမှာလဲ။ ပီပီသသ၊ ကျယ်ကျယ်လောင်လောင်နဲ့ အထစ်အငေါ့မရှိ ကျွန်တော် ရွတ်ဆိုနိုင်ရမယ်။ ဒါပေမဲ့ အခုတော့ ပထမဆုံးတလုံးကိုတောင် ကျွန်တော် စဉ်းစားလို့ မရဘူး။ ခုံတန်းရှည်ပေါ်က ထရပ်ပြီး ဒယိမ်းဒယိုင် ဖြစ်နေပြီ။ ရင်တွေတုန်ပြီး မျက်နှာတောင် မော်မကြည့်ရဲဘူး။ မွန်စီယာအားမဲလ်ကတော့ ကျွန်တော်ကို အခုလို ဆုံးမတယ်။

"သားရေ၊ ဖရန့်ဇ်။ မင်းကို အပြစ်မဆိုရက်ပါဘူး။ မင်းကို ပေးခဲ့တဲ့ ပြစ်ဒဏ်တွေလည်း များခဲ့ပါပြီ။ ဒါကလည်း ဆရာ့အနေနဲ့ မဖြစ်မနေမို့ လုပ်ရတာပါ။ သားရေ၊ တို့တတွေ ကိုယ့်ကိုကိုယ် လိမ်ခဲ့ကြတယ်ကွ။ သွားစမ်းပါ။ အချိန်ရပါသေးတယ်။ သင်စရာရှိတာတွေ မနက်ဖြန်မှ ဆက်သင်တာပေါ့။ ကဲ ... ၊ အခုတော့ ဘာတွေဖြစ်ကုန်ပြီလဲ၊ မင်းတွေ့ပြီ မဟုတ်လား။ အားလ်ဆပ်စ်နယ်ကြီး တခုလုံးသာ အခုလို သင်ယူစရာရှိတာတွေကို လက်ငင်းမသင်ယူပဲ၊ နေ့ရွှေ့ညရွှေ့ လုပ်ခဲ့မယ်ဆိုလို့ကတော့ တို့ရဲ့အနာဂတ်က တွေးရဲစရာတောင် မရှိဘူး။ သူတို့က တို့များရဲ့ အားနဲချက်ကို ထိုးနှက်ကြတော့မယ်။ အော် ... ၊ မင်းတို့က မင်းတို့ကိုယ် မင်းတို့ ပြင်သစ်လို့လည်း အမျိုးဂုဏ်မောက်ချင်သေးတယ်။ ကိုယ့်မိခင် ဘာသာစကားလေးတောင် မရေးတတ် မဖတ်တတ်နဲ့၊ ဘာကို ယုံရမှာလဲလို့ သူတို့က ၀ိုင်းပြီး လက်ညိုးထိုးကြလိမ့်မယ်။ အဆုံးသတ်တော့ ဖရန့်ရေ၊ မင်းက သနားစရာ ကောင်းသူပါ။ ဒါပေမဲ့ ကြေကွဲစရာ အကောင်းဆုံး သူတယောက်တော့ မဟုတ်သေးဘူးကွ။ ငါတို့အားလုံး ကိုယ့်အတိုင်းအတာနဲ့ကိုယ်၊ ကိုယ်စီကိုယ်ငှ တာဝန်ပျက်ကွက်ခဲ့ကြတယ်"

"မင်းရဲ့မိဘတွေကိုယ်တိုင်လည်း မင်းကို ပညာတတ်ကြီးဖြစ်တဲ့အထိ ပြုစုပျိုးထောင်ဖို့ အတွေးအခေါ် အမျှော်အမြင်ပိုင်းမှာ အားနည်းခဲ့တယ်။ သူတို့က မင်းကို လယ်ကွင်းထဲမှာ အလုပ်လုပ်စေချင်တယ်။ စက်ရုံအလုပ်ရုံတွေကို ပို့ချင်တယ်။ ငွေပိုငွေလျှံလေး ရလိုရငြားပေါကွာ။ ဒါဆို ဆရာ့မှာလည်း ကိုယ့်ကိုကိုယ် အပြစ်တင်ဝေဖန်စရာတွေ ရှိနိုင်ပါတယ်။ ဒါပေမဲ့ တပည့်တို့ကို မကြာခဏဆိုသလို စာသင်ချိန်မှာ ပန်းခြံထဲ ရေလောင်းခိုင်းခဲ့တာမျိုး ရှိခဲ့လား။ ပြီးတော့ မြစ်ထဲ ငါးမျှားထွက်ချင်လို့ အတန်းဖျက်ပြီး သွားခဲ့တာမျိုး ရှိဖူးလား"

အကြောင်းအရာတွေ တခုပြီးတခုပြောင်းရင်း မွန်စီယာအားမဲလ်က ပြင်သစ်ဘာသာစကားအကြောင်းကို စပြောတယ်။ ပြင်သစ်ဘာသာစကားဟာ ကမ္ဘာပေါ်မှာ အားအကောင်းဆုံး၊ အရှင်းလင်းဆုံးနဲ့ အလှပဆုံး ဘာသာစကားတခုဖြစ်ကြောင်း၊ ကျွန်တော်တို့အနေနဲ့ ကိုယ်ပိုင်ယဉ်ကျေးမှု ထုံးတမ်းစဉ်လာတွေကို ထိန်းသိမ်းထားနိုင်ဖို့ လိုအပ်ကြောင်း၊ မေ့ဖျောက်ပစ်ဖို့ရန် မသင့်ကြောင်း၊ နောက်ဆုံး သူ့ကျွန်ဘ၀ပဲ ကျစေဦးတော့၊ မိခင်ဘာသာစကားကို လျှာပေါ်မှာ ထိန်းသိမ်းထားနိုင်သရွေ့ လွတ်မြောက်ရာ လွတ်မြောက်ကြောင်း သော့တချောင်းက လက်တကမ်းအကွာမှာ ရှိနေဆဲပဲလို့ စီကာပတ်ကုံး ပြောပြတယ်။ ပြီးတော့ သဒ္ဒါစာအုပ်ကို ထုတ်ပြီး ဖတ်ခိုင်းတယ်။ ကျွန်တော် ရှင်းရှင်းလင်းလင်းနဲ့ နားလည်ရလွယ်ကူနေလို့ ကိုယ့်ကိုကိုယ် အံ့သြမိတယ်။ အားလုံး လွယ်ကူလွန်းနေသလိုပဲ။ တကယ်ကို လွယ်ကူလွန်းနေပါတယ်။ ကျွန်တော် ဘယ်တုန်းကမှ သင်ခန်းစာတခုကို ဒီလောက်အထိ အလေးအနက်ထားပြီး မသင်ယူခဲ့မိတာလည်း ပါလိမ့်မယ်။ ကျွန်တော် ယုံကြည်ပါတယ်။ ဆရာကြီးကိုယ်တိုင် ရှင်းလင်းပြသပေးနေတာတွေကလည်း ခါတိုင်းထက် ပိုပြီး စိတ်ရှည်လက်ရှည် ရှိသလိုပဲ။ ၀မ်းနည်းဖို့ကောင်းတဲ့ ဆရာကြီးက ကျွန်တော်တို့နဲ့ မခွဲခွါခင် သူ့မှာရှိသမျှ အသိအမြင် ဗဟုသုတတွေအားလုံးကို ပုံအောပေးခဲ့ချင်ပုံရတယ်။ တကြိမ်တည်းနဲ့ ကျွန်တော်တို့ရဲ့ ဦးနှောက်ထဲ အပြီးအပိုင် ရိုက်သွင်းပေးခဲ့ချင်ပုံပဲ။

စာဖတ်တဲ့ သင်ခန်းစာပြီးတော့ စာရေးခိုင်းတယ်။ မွန်စီယာ အားမဲလ်က သူကိုယ်တိုင် ပြင်ဆင်လာတဲ့ စာရွက်လေးတွေကို လိုက်ဝေတယ်။ ကျွန်တော်တို့ တခါမှ မမြင်ဖူးသေးဘူး။ စာရွက်လေးတွေပေါ်မှာ သပ်ရပ်လှပတဲ့ လက်ရေးနဲ့ အခုလို ရေးထားတယ်။ "ပြင်သစ်၊ အားဆပ်စ်၊ ပြင်သစ်၊ အားဆပ်စ်"။ အတန်းထဲက စာသင်ခုံတိုင်းမှာ စိုက်ထူထားတဲ့ အလံလေးတွေလိုပဲ၊ ကျွန်တော်တို့ပေါ် ဖမ်းစားနိုင်လွန်းတယ်။ ကျွန်တော်တို့လည်း တယောက်မကျန် ကြိုးစားပမ်းစား လိုက်ရေးကြပြီ။ စာသင်ခန်းထဲ ကျွန်တော်တို့ရဲ့ ကလောင်တံတွေနဲ့ စာရွက်တွေပေါ် ပွတ်တိုက်သံကလွဲပြီး အားလုံးပကတိ တိတ်ဆိတ်လွန်းနေတယ်။ အခိုက်အတန့်တခုမှာ ပိတုန်းကောင်လေးတွေ ပျံဝဲပြီး အခန်းထဲ ၀င်လာသေးပေမဲ့ ဘယ်သူကမှ ဂရုပြုဖော် မရကြဘူး။ မျဉ်းလေးတကြောင်းတောင် ဖြောင့်အောင်မဆွဲနိုင်သေးတဲ့ အငယ်ဆုံး ကျောင်းသားလေးတွေကအစ ပြင်သစ်စာရယ်လို့ တာဝန်သိ၊ တန်ဖိုးထားပြီး အလှပဆုံးဖြစ်အောင် ရေးနေကြပြီ။ ကျောင်းဆောင်ရဲ့ ခေါင်မိုးထက်မှာတော့ ခိုတွေက ဆွဲဆွဲငင်ငင်နဲ့ ညည်းနေကြတယ်။ ကျွန်တော် နားထောင်ရင်း တွေးမိသေးတယ်။

"ဒီကောင်တွေ နောက်ကျရင် ခိုတွေကိုပါ ဂျာမန်လို ညည်းခိုင်းဦးမလား မသိဘူး"

မကြာခဏဆိုသလို စာရွက်ပေါ်ကနေ မျက်လုံးခွာပြီး ကြည့်မိသေးတယ်။ မွန်စီယာ အားမဲလ်က သူ့ခုံပေါ်မှာ ထိုင်ရင်း သူ့ပတ်ဝန်းကျင်က အရာဝတ္ထုတွေကို မလှုပ်မယှက် စိုက်ကြည့်နေပြီ။ သူ့ရဲ့ အမြင်အာရုံနဲ့အတူ ကျောင်းလေးထဲ ရှိသမျှအားလုံးကို ယူဆောင်သွားချင်ပုံပဲ။ တွေးကြည့်ပါဦး။ နှစ်ပေါင်းလေးဆယ်လုံး ဒီနေရာလေးမှာ ကျင်လည်ခဲ့ရတယ်။ သူ့ရှေ့က ကျောင်းဝင်းနဲ့ စာသင်ခန်းက သူ့ရဲ့ဘ၀ပါ။ အပြောင်းအလဲဆိုလို့ မရှိသလောက်ပဲ။ ခုံတန်းရှည်တွေနဲ့ စာသင်ခုံတွေအားလုံး အကြိမ်ကြိမ်အခါခါ ပွတ်တိုက်ပြီး အရောင်တင်ခဲ့သော်ငြား အိုဟောင်းစပြုပြီ။ ကစားကွင်းဘေးက သစ်ကြားပင်တွေဆိုရင် ဝေေ၀ဆာဆာနဲ့ အရွယ်ရောက်နေတာကို တွေ့ရမယ်။ သူကိုယ်တိုင် စိုက်ခဲ့တဲ့ နံရံကပ်နွယ်ပင်လေးတွေကတော့ အခုဆို ပြူတင်းပေါက်ဘောင်တွေကို ကျော်ပြီး ခေါင်မိုးနားအထိ ရောက်လုရောက်ခင်ပေါ့။ ရင်နဲ့အမျှ ပြုစုပျိုးထောင်ခဲ့ပြီးမှ အခုလို ခွဲခွါရတော့မယ်ဆိုတော့ ကြေကွဲစရာပဲ။ အပေါ်ထပ်အခန်းထဲမှာ ပစ္စည်းတွေကို အပြီးသတ် သိမ်းဆည်းထုပ်ပိုးရင်း လူးလာခေါက်ပြန်သွားနေတဲ့ အစ်မဖြစ်သူရဲ့ ခြေသံကို ကြားနေရတယ်။ မနက်ဖြန် သူတို့ ဒီပြည်နယ်ကြီးကို အပြီးအပိုင် စွန့်ခွာရတော့မယ်။

ဘယ်လိုအကြောင်းကြောင့်ပဲဖြစ်ဖြစ်၊ အတန်းကို ပြီးဆုံးချိန်အထိ ခရီးဆက်ဖို့ ရဲစွမ်းသတ္တိကတော့ ဆရာကြီးရဲ့ ရင်ထဲ အပြည့်ရှိနေတုန်းပဲ။ ကျွန်တော်တို့ စာရေးတဲ့ လေ့ကျင်ခန်းပြီးတော့ သမိုင်းသင်ခန်းစာဖက် ဦးလှည့်ကြတယ်။ ကလေးငယ်လေးတွေက "ဘာ ဘယ် ဘီ ဘို ဘူ" သီချင်းကို သံပြိုင်ရွတ်တယ်။ စာသင်ခန်းနောက်ဖက်မှာတော့ အဖိုးကြီးအော်ဆာက သူ့ရဲ့မျက်မှန်ကြီးကိုတပ်ရက်သား၊ သတ်ပုံစာအုပ်ကို လက်နှစ်ဖက်နဲ့ကိုင်ရင်း စာတွေကို တလုံးချင်းလိုက်ပြီး စာလုံးပေါင်း ဖတ်တယ်။ စိတ်ပါလက်ပါ ဖတ်နေမှန်း သိသာပါတယ်။ ခံစားရလွန်းလို့ တုန်ခါနေတဲ့ သူ့အသံကို ကြားရတော့ ကျွန်တော်တို့လည်း မရယ်ပဲ မနေနိုင်တော့ဘူး။ ငိုအားထက် ရယ်အားသန် ဆိုသလိုပေါ့။ အင်း ... ၊ ဒီနောက်ဆုံး သင်ခန်းစာကို ကျွန်တော့်တသက်တာ မေ့နိုင်မယ် မထင်ဘူး။

ရုတ်တရက် ဘုရားကျောင်းရဲ့ နာရီကြီးက ဆယ့်နှစ်နာရီကို ရောက်ပြီ။ ခေါင်းလောင်းထိုးသံကို ကြားရတယ်။ တချိန်တည်းမှာပဲ စစ်ရေးပြ လေ့ကျင့်ပြီး ပြန်လာတဲ့ ပရပ်ရှန်းတွေရဲ့ စူးစူးဝါးဝါး စစ်ခရာသံကို ပြူတင်းပေါက်တွေကတဆင့် ကြားရတယ်။ ဖြူဖွေးလုနီးပါး သွေးဆုတ်နေတဲ့ မွန်စီယာအားမဲလ်က ထရပ်ပြီ။ သူ့ရဲ့ဟန်ပန်က မားမားမတ်မတ်၊ ဒီလို မာန်နဲ့ဟန်နဲ့ ရပ်တည်ပုံမျိုးကို ကျွန်တော် တခါမှ မတွေ့ဖူးသေးဘူး။

"ကျွန်တော့်ရဲ့ မိတ်ဆွေကြီးများ ခင်ဗျာ" သူက စကားစတယ်။ "ကျွန်တော့်ရဲ့ ... ၊ ကျွန်တော် ... ၊ ကျွန်တော် ..."

ဒါပေမဲ့ တစုံတရာကြောင့် ဆို့နင့်နေသလိုပဲ။ စာလေးတကြောင်းပြည့်အောင် အဆုံးမသတ်နိုင်တော့ဘူး။

ချက်ချင်းဆိုသလို မြေဖြူတခဲကို ကောက်ကိုင်ပြီး ကျောက်သင်ပုန်းဖက် လှည့်တယ်။ တတ်နိုင်စွမ်းသမျှ အင်အားကုန် စုစည်းရင်း စာလုံးကြီးတွေကို ကြီးနိုင်သမျှ ကြီးအောင် ရေးပါပြီ။

"ပြင်သစ်ပြည် အဓွန့်ရှည် တည်တံ့ပါစေ။"

ပြီးတော့ သူ့ခေါင်းနဲ့ နံရံကို မှီရင်း အချိန်အတော်ကြာအောင် ရပ်နေတယ်။ စကားတခွန်း မဆိုတော့ပဲ လက်ဟန်ခြေဟန်သာ ပြပေမယ့် ကျွန်တော်တို့ နားလည်ရပါပြီ။

"ဒီနေ့ သင်ခန်းစာကတော့ ဒီလောက်ပဲ။ အတန်းဆင်းပြီ။ ပြန်ကြတော့"။            ။

ရှန်းဇန့် - အပိုင်း (ဂ)

ဘာ့ကြောင့် တရုတ်ပြည်မကြီးက ကလေးတွေအများစု မျက်မှန်တပ်ကြရလဲ

ဟယ်လိုကစ်တီ Hello Kitty အစရှိသဖြင့် တောက်တောက်ပပ၊ ကြောင်ကြောင်ကြားကြား၊ အရောင်စုံ၊ ဒီဇိုင်းစုံနဲ့ မျက်မှန်မျိုးစုံကို ဘီဂျင်းမြို့က မျက်မှန်မြို့တော် Eyeglass City မှာ ၀ယ်ယူရရှိနိုင်ပါတယ်။ အဲဒီကိုရောက်ရင် လေးထပ်စာမြင့်တဲ့ ရှော့ပင်းမောလ်ကြီး တခုလုံး မျက်မှန်ဆိုင်တွေနဲ့ ပြည့်ကျပ်နေတာကို တွေ့ပါလိမ့်မယ်။

မျက်မှန်တစ်လက်ကို နာရီဝက်အတွင်း အသင့်ကောက်တပ်ရုံ အပြီးအစီး လုပ်ပေးနိုင်ပါတယ်။ ၀န်ဆောင်မှုက အံသြချီးမွမ်းလောက်စရာပဲ။ ဒါပေမဲ့ ဆိုးတာက တရုတ်ပြည်မှာ မျက်မှန်တပ်ဖို့ လိုတဲ့ မျက်စိမှုံသူ အရေအတွက် အဆမတန် တိုးလာပါတယ်။ အများစုက ကလေးတွေဖြစ်နေလို့ပါ။

၁၉၇၀ ခုနှစ်တုန်းလောက်က တရုတ်ပြည်မှာ အသက် ၁၆ နှစ်နဲ့ ၁၈ နှစ်ကြား လူငယ်တွေထဲ၊ အဝေးမှုံတဲ့သူ သုံးပုံတစ်ပုံတောင် မပြည့်ဘူး။ အခုတော့ ငါးပုံလေးပုံနီးပါးအထိ မြင့်တက်လာတယ်။ အထူးသဖြင့် မြို့ကြီးပြကြီးတွေမှာ ပိုဆိုးတယ်။ ဒီထက်ပိုပြီး ဒီမျက်မှန်သမား လူငယ်ငါးပုံတပုံရဲ့ မြင်နိုင်စွမ်းအားက အတော်ဆိုးပါတယ်။ ၁၆ စင်တီမီတာ (၆ လက်မ)ထက် ပိုဝေးတဲ့ အရာဝတ္ထုနဲ့ ပုံရိပ်တွေကို ပြတ်ပြတ်သားသား မြင်နိုင်စွမ်း မရှိတော့ဘူး။

မူလတန်းကျောင်းသား ကလေးတွေကြားမှာလည်း ဒီအရေအတွက် သိသိသာသာ တိုးလာပါတယ်။ တိတိကျကျ ဆိုရရင် ၄၀% က အဝေးမှုံနေပြီ။ သက္ကရာဇ် ၂၀၀၀ တုန်းကထက်စာရင် နှစ်ဆနီးပါးတိုးလာတဲ့ သဘောပါ။ ဒါပေမဲ့ အမေရိကန်နဲ့ ဂျာမဏီနိုင်ငံတွေမှာတော့ ဒီအသက်အရွယ်တန်း ကလေးတွေကြား ဒီလို အမြင်အာရုံ ချို့တဲ့သူက ၁၀% ပဲ ရှိပါတယ်။

တကယ်တော့ ဒီအမြင်အာရုံ ချို့တဲ့တဲ့ ဖြစ်ရပ်က တရုတ်ပြည်တခုတည်းမှာတင် မဟုတ်ပါဘူး။ အရှေ့အာရှ တခုလုံးပါ။ စင်ကာပူ၊ တောင်ကိုရီးယားနဲ့ ထိုင်ဝမ်တွေမှာလည်း ၁၈ နှစ်သား လူငယ် ၈၀-၉၀% က မျက်မှန်တပ်ကြရတယ်။ ဒါဆို ပြဿနာရဲ့ အရင်းအမြစ်က မျိုးရိုးဗီဇကြောင့်လား။ မဟုတ်ပါဘူး။ နေမှုထိုင်မှု ပုံစံတွေကြောင့်ပါ။ ၂၀၁၂ ခုနှစ်မှာ ဘီဂျင်းမြို့ပတ်ဝန်းကျင်က အမြင်အာရုံ အားနည်းသူ ကလေးသူငယ်ပေါင်း ၁၅,၀၀၀ ကို သုသေသနလုပ်ခဲ့တယ်။ ဒီမှာတင် ဒီပြဿနာက စာသင်ချိန်၊ စာဖတ်ချိန်တွေ အရမ်းများလွန်းတာနဲ့ တိုက်ရိုက်ပတ်သက်နေတယ်လို့ အဖြေထွက်လာပါတယ်။ ပိုဆိုးတာက အားလပ်ချိန်တွေရောက်ရင်လည်း အီလက်ထရွန်းနစ် ပစ္စည်းတွေနဲ့ပဲ အချိန်ကုန်ပြီး အပြင်မှာ ကစားခုန်စားချိန် နည်းလာလို့ပါ။

အများအားဖြင့် ဒီလို အလေ့အထတွေကို ၀င်ငွေကောင်းတဲ့ မိသားစုတွေကြား ပိုပြီးတွေ့ရလေ့ရှိတယ်လို့ ဘီဂျင်းတုန်ဂရန်ဆေးရုံ Beijing Tongren Hospital ရဲ့ အထူးကုဆရာဝန်ကြီး ကျိုးရင် Guo Yin က ပြောပါတယ်။ ချမ်းသာတဲ့ မိသားစုတွေဖြစ်လို့ သူတို့ရဲ့ သားသမီးတွေကို ကျောင်းသင်ခန်းစာတွေနဲ့ပဲ အချိန်ကုန်စေချင်ပါသတဲ့။ အရှေ့အာရှတလွှားမှာ ပုံမှန်ဝင်ငွေနဲ့ ပညာရေး အဆင့်အတန်းတွေ မြင့်တက်လာသော်ငြား အမြင်အာရုံတော့ ချို့တဲ့လာတယ်လို့ သူက အခိုင်အမာ ပြောပါတယ်။

အဝေးမှုံရခြင်းရဲ့ အဓိကအကြောင်းရင်းက ပြင်ပအလင်းရောင်အောက်ကို ထွက်တဲ့ အချိန်တွေ နည်းသထက် နည်းလာလို့ပါ။ နေ့လည်ခင်း အလင်းရောင်ကြောင့် မျက်လုံးအိမ်ထဲမှာ ဓါတုဗေဒအရည်တွေ ထုတ်လွှတ်နိုင်မှု စွမ်းအားကို မြင့်တက်ပြီး မျက်လုံးကြွက်သားတွေကိုလည်း သန်မာစေပါတယ်။ တကယ်တော့ အဝေးမှုံရခြင်းက မျက်လုံးကြွက်သားတွေ အားနည်းပြီး လိုသလို အာရုံ မစူးစိုက်နိုင်တော့လို့ပဲ။

ဒါပေမဲ့ ပြင်ပအလင်းရောင်အောက် ထွက်ဖို့ အချိန်ပေးတာ နည်းလာတဲ့အပြင် အနီးကပ် မျက်လုံးအားစိုက်ရတဲ့ စာရေးစာဖတ်အလုပ်တွေ ထပ်ပေါင်းတော့ ပြဿနာက ပိုဆိုးလာပါတယ်။ သြစတြးလျှ အမျိုးသားတက္ကသိုလ် Australian National University က သုသေသနပညာရှင် အီယန်မော်ဂင် Ian Morgan ကတော့ အခုလို အကြံပေးပါတယ်။ ကလေးတွေကို ပြင်ပ ဟင်းလင်းပြင် အလင်းရောင်အောက်က မြေကြီးထက်မှာ ကစားခုန်စားဖို့ လုံလောက်တဲ့ အချိန်သာ ပေးလိုက်ပါ။ သူတို့ စိတ်ကြိုက် စာရေးစာဖတ်လည်း မျက်စိပျက်မယ့် အန္တရာယ်ကို မစိုးရိမ်ရတော့ဘူးတဲ့။

ခက်တာက တရုတ်ပြည်နဲ့ အရှေ့အာရှနိုင်ငံတိုင်းလိုလိုမှာ အိမ်ပြင်ထွက်ပြီး အပန်းဖြေတဲ့ အလုပ်ကို တန်ဖိုးမထားကြဘူး။ ဥပမာ၊ သြစတြေးလျှနိုင်ငံမှာပဲကြည့်။ တရုတ်လူမျိုးနဲ့ ဌာနေသြစတြေးလျှ ကလေးတွေအားလုံး အသက် ၆ နှစ်မှာ အဝေးမှုံမယ့် လက္ခဏာတွေကို တွေ့လာရတယ်။ ဒါပေမဲ့ ကျောင်းနေပြီဆိုတာနဲ့ ဌာနေသြစတြေးလျှ ကလေးတွေက တနေ့ကို သုံးနာရီကနေ လေးနာရီနီးပါး ပြင်ပအလင်းရောင်အောက်မှာ အချိန်ကုန်ကြတယ်။ တရုတ်လူမျိုး ကလေးတွေကတော့ အပြင်မှာ တနာရီကျော်အောင်တောင် အချိန်ကုန်မခံဘူးလို့ သိရပါတယ်။

တရုတ်ပြည်ထဲက ကလေးတွေကတော့ ပိုဆိုးပါတယ်။ နေ့စဉ် ကျောင်းမှာ နေ့လည်စာ စားပြီးတာနဲ့ အပြင်ထွက် မကစားတော့ပဲ တမှေးအိပ်ကြတယ်။ အိမ်ပြန်ရောက်တော့လည်း ကျောင်းက ပေးလိုက်တဲ့ အိမ်စာတွေနဲ့ မအားလပ်တော့ဘူး။ သူတို့အားလုံး အသက်အရွယ် ရလာတာနဲ့အမျှ အပြင်ထွက်ချိန်က သိသိသာသာ နည်းလာပါတယ်။ တရုတ်ပြည်ရဲ့ လေထုညစ်ညမ်းမှု တခုတည်းကြောင့်လည်း ဟုတ်မယ်မထင်ပါဘူး။

ဒါဆို အဝေးမှုံခြင်း ပြဿနာက ၀င်ငွေကောင်းခြင်းနဲ့ ကျောင်းချိန်ပိုခြင်းကြောင့်ချည်းပဲလား။ ဖြစ်နိုင်ပါတယ်။ တရုတ်ကျန်းမာရေး ၀န်ကြီးဌာနရဲ့ ထုတ်ပြန်ချက်အရ ကျေးလက်နေ ကလေးတွေရဲ့ သုံးပုံတပုံပဲ အမြင်အာရုံ ချို့တဲ့တဲ့ဒဏ်ကို ခံစားရပါသတဲ့။ မြို့ပြနေ ကလေးတွေက တ၀က်နီးပါးဆိုတော့ အရေအတွက်ချင်း ယှဉ်ပြီး နည်းတယ်လို့ ဆိုကောင်းဆိုနိုင်ပါတယ်။ ဒါပေမဲ့ လက်တွေ့မှာ မဟုတ်ဘူး။ စတန်းဖို့တက္ကသိုလ် Stanford University ရဲ့ သုသေသနပြုချက်တခုအရ အမြင်အာရုံချို့တဲ့နေတဲ့ ကျေးလက်နေ ကလေးခြောက်ယောက်မှာ တယောက်က ဆင်းရဲလွန်းလို့ မျက်မှန်မ၀ယ်နိုင်ဘူးတဲ့။ စရိတ်စက အကုန်အကျ မခံနိုင်တဲ့အပြင် ကျောင်းတွေကလည်း ကလေးတွေကို အမြင်အာရုံ ကောင်းမကောင်း ဂရုစိုက်ပေးဖော် မရကြဘူး။ ဒါတင်မက၊ မျက်မှန်တပ်ရင် အမြင်အာရုံကို ပိုပြီး ချို့တဲ့သွားစေတယ်ဆိုတဲ့ အယူအဆမှားကလည်း ပြဿနာကို ကြီးထွားလာစေပါတယ်။

နောက်ဆုံး စတန်းဖို့က ထောင်နဲ့ချီတဲ့ ကလေးတွေကို မျက်မှန် အလကား ဝေပေးရတယ်။ ဒီမှာတင် ဒီအပြုအမူလေးက သူတို့ ကလေးတွေကို အဟာရတိုက်ကျွေးတာနဲ့ အဆင့်မြင့်ပညာရေး အထောက်အပံ့တွေ ပေးတာထက်တောင် အများကြီးပိုပြီး ထိရောက်သွားကြောင်း၊ တအံ့သသြ သိလိုက်ရတယ်လို့ ပရိုဂရမ် တွဲဖက်ဒါရိုက်တာ စကော့ရိုဇဲလ် Scott Rozelle က ဖွင့်ဟပါတယ်။ နောက်ထပ် လေ့လာချက်တခုမှာတော့ မျက်မှန်အထောက်အပံ့ရလိုက်တဲ့ ကလေးတွေ အတော်များများ နှစ်ကုန်စာမေးပွဲမှာ ယခင်နှစ်ကထက် အောင်မှတ်တွေ ထူးထူးခြားခြား ပိုပြီး တိုးတက်လာပါသတဲ့။

ဒါဆို နိုင်ငံနဲ့အ၀ှန်း အဆမတန် ကြီးထွားလာတဲ့ ပြဿနာတခုကို ကုစားနိုင်ဖို့ နေ့လည်ခင်း အလင်းရောင်နဲ့ မျက်မှန်အလှူတွေက ပဓါနကျပါသလား။ တစိတ်တပိုင်း မှန်ပါလိမ့်မယ်။ တကယ်တော့ ကျွန်တော်တို့ မိဘတွေရဲ့ ကိုယ့်သားသမီးတွေပေါ် ထိန်းသိမ်းစောင့်ရှောက်ပုံ အမြင်တွေက ပိုပြီး အဓိကကျတယ်လို့ပဲ ဆိုပါရစေ။

(THE ECONOMIST: Why So Many Chinese Children Wear Glasses)

ချိုးခြံချွေတာသူ ဇူကာဘတ်ခ်

ပြီးခဲ့တဲ့ ကြာသပတေးနေ့တုန်းက ဖေ့စ်ဘွပ်ခ်ရဲ့ စီအီးအို မတ်ခ်ဇူကာဘတ်ခ်တယောက် လူရှေ့ထွက်ပြီး မေးကြမယ် ဖြေကြမယ် အစီအစဉ်လေးတခု လုပ်ပါတယ်။

သူက မေးခွန်းအတော်များများကို ဂရုတစိုက် ဖြေသွားပေးတယ်။ ဒါပေမဲ့ လူတွေ စိတ်အ၀င်စားဆုံး မေးခွန်းကတော့ "ဘာဖြစ်လို့ နေ့တိုင်း၊ ဒီတီရှပ်တထည်တည်းကိုပဲ အထပ်ထပ် အခါခါ ၀တ်နေရတာလဲ"တဲ့။

သတိမပြုမိတဲ့ သူတွေလည်း ရှိကောင်းရှိနိုင်တာမို့ ရှင်းပြပါရစေ။ ဇူကာဘတ်ခ်က အထင်ကရ ပွဲလမ်းသဘင်တိုင်းလိုလို၊ ဒီညိုမှိုင်းမှိုင်း တီရှပ်တထည်ကိုပဲ ၀တ်လေ့ဝတ်ထ ရှိတာ တွေနေရလုိ့ပါ။ သူ့အဖြေမှာ ဘာတွေများ ထူးထူးခြားခြား ပါမလဲ၊ အားလုံးက မျှော်လင့်စောင့်စားရင်းပေါ့။ ဇူကာဘတ်ကိုယ်တိုင်ကလည်း သူ့အနေနဲ့ ဒီညိုမှိုင်းမှိုင်း တီရှပ်တထည်တည်းကိုပဲ စွဲစွဲမြဲမြဲ ၀တ်ရတဲ့အကြောင်းကို အလေးအနက် စဉ်းစားပြီး စိတ်ရှည်လက်ရှည် အဖြေပေးပါတယ်။

"ကျွန်တော့်ဘ၀ကို ရိုးရှင်းနိုင်သလောက် ရိုးရှင်းစေချင်တယ်ဗျာ။ လူ့အဖွဲ့အစည်းကောင်းကျိုး သယ်ပိုးရမယ့် ကိစ္စကလွဲပြီး ဒွိဟဆုံးဖြတ်ရမယ့် အပိုအလုပ်တွေကို တတ်နိုင်သလောက် နည်းစေချင်လို့ပါ" လို့ ဇူကာဘတ်ခ်က အဖြေပေးပါတယ်။ "ကျွန်တော့်မှာ ဒီလိုတီရှပ် ပုံစံတူတွေ အများကြီးရှိတယ်"ဆိုပဲ။

သူက ပြောပါသေးတယ်။ "အသေးအဖွဲလေးတွေ ဆိုပေမဲ့ အားထည့်ရတယ်။ ဥာဏ်စွမ်းဥာဏ်စတွေကို ဖြုန်းတီးပစ်နေသလိုပဲ။ မလိုအပ်ပဲ အချိန်ကုန် မခံချင်ဘူး"တဲ့။

"ကျွန်တော်က တကယ်ကံထူးရှင်ပါ။ မနက်တိုင်း အိပ်ယာက နိုးတယ်။ ပြီးတော့ ဘီလီယံနဲ့ချီတဲ့ ကမ္ဘာသူ၊ ကမ္ဘာသားတွေအတွက် အခုထက် ပိုကောင်းတဲ့ ၀န်ဆောင်မှုတွေ ပေးနိုင်ဖို့ တွေးခေါ်ကြံဆ နိုင်ခွင့်လေး ရတယ်။ ဒီတော့ အဓိပ္ပါယ်မရှိတာတွေနဲ့ အားကုန်ပြီး ကျွန်တော်အလုပ်ကို အထိခိုက်မခံနိုင်ဘူး"

ဇူကာဘတ်ခ်က သူလေးစားရတဲ့ သြဇာမတ္တိ ကြီးမားသူတွေကိုလည်း ထောက်ပြပါတယ်။ စတိဖ်ဂျော့ဘ်နဲ့ သမ္မတ အိုဘားမား၊ သူတို့လည်း အ၀တ်တစုံအတွက် ခေါင်းရှုပ်ခံသူတွေ မဟုတ်တဲ့အကြောင်း ရှင်းပြတယ်။ တခါကဆို စတိဖ်ဂျော့ဘ်က သူ့အထုပ္ပတ္တိရေးသူ၊ ဝေါ်တာအိုင်ဆက်ကွန်ကို ဒီလိုပြောဖူးပါသတဲ့။ "ကျွန်တော်ကတော့ တတ်နိုင်ရင် အက်ပဲလ်ဝန်ထမ်းတွေ အားလုံးကို စွပ်ကြယ်ဂျိုင်းပြတ်ဝတ်ပြီးတောင် အလုပ်ဆင်းစေချင်တယ်"ဆိုပဲ။

ကဲ ... ၊ သူငယ်ချင်းတို့ရေ၊ ဘယ့်နှယ့်ရှိစ။

(From businessinsider.com - Here's The Real Reason Mark Zuckerberg Wears The Same T-Shirt Every Day)

အသေးအဖွဲလေးများ

(Raymond Carver ရဲ့ Little Things ဆိုတဲ့ ၀တ္ထုတိုလေးကို ဘာသာပြန်ကြည့်တာပါ။

Raymond Carver က ၂၀ ရာစုနှောင်းပိုင်း အမေရိကန် စာပေလောကမှာ ၀တ္ထုတိုတွေနဲ့ ထင်ရှားသူပါ။ သူ့ကို Minimalist "လိုရင်းတိုရှင်း၊ (သို့) ချိုးခြံချွေတာ (သို့) အနည်းဆုံးဝါဒီ"လို့ သတ်မှတ်ကြတယ်။ ဒါပေမဲ့ Raymond Carver ကိုယ်တိုင်က ငြင်းဆန်ပါတယ်။

အင်တာနက်ပေါ်မှာ Little Things လို့ ရှာကြည့်ပါ။ အလွယ်တကူ တွေ့ပါလိမ့်မယ်။ အထင်ကရ ၀တ္ထုတိုလေးပါ။ နားမလည်ရင်တော့ ဘာသာပြန်တဲ့သူ ကျွန်တော်ညံ့ဖျင်းလို့ပဲ။

ဒါထက် စကားမစပ်၊ ကျွန်တော် စိတ်လိုက်မာန်ပါ တခုခုလုပ်မယ်ကြံတိုင်း ဒီဝတ္ထုတိုလေးကို သတိရတယ်။)

အသေးအဖွဲလေးများ

ထိုနေ့ အစောပိုင်းက ရာသီဥတုပြောင်းသဖြင့် နှင်းများ အရည်ပျော်၍ ညစ်ထေးသော ရေများဖြစ်လာသည်။ ရေစီးကြောင်းအချို့က အိမ်နောက်ဖက် မြေကွက်လပ်သို့ မျက်နှာမူသော လူတရပ်အမြင့် ပြူတင်းပေါက်ငယ်လေးမှတဆင့် လိမ့်ဆင်းသည်။ အိမ်အပြင်ဖက် လမ်းပေါ်၌ ကားများ ရွှံ့ရောင်ချယ်လျှက် မှောင်ရီစပျိုးလေပြီ။ သို့သော် အိမ်အတွင်း၌လည်း အမှောင်ထုက ကြီးစိုးလာသည်။

သူက အိပ်ခန်းတွင်း၌ အ၀တ်အစားများကို ခရီးဆောင်သေတ္တာထဲသို့ ထိုးသိပ်ထည့်နေခိုက် တံခါးဝနား သူမ ရောက်လာသည်။

သူမက ပြော၏။ နင်ထွက်သွားလို့ ၀မ်းမနည်းဘူးဟဲ့။ သိလား။ ငါ ၀မ်းမနည်းဘူး။

သူက သူ့၏ ပစ္စည်းပစ္စယများကိုသာ ခရီးဆောင်သေတ္တာထဲသို့ ဆက်လက်နေရာချသည်။

သူမက စ၍ ငို၏။ ခွေးကောင်ရဲ့။ နင်ထွက်သွားလို့ ငါ လုံးဝ ၀မ်းမနည်းဘူးဟဲ့။ သိလား။ နင် အခု၊ ငါ့မျက်နှာကို မကြည့်ရဲတော့ဘူး မဟုတ်လား။ ပြောလေ။ ပြောစမ်းပါဦး။

ထို့နောက် သူမက အိပ်ယာထက်မှ ကလေးဓါတ်ပုံကို သတိပြုမိသော် ကောက်ယူသိမ်းဆည်းသည်။ သူက သူမကို အကြည့်၊ သူမက မျက်ရည်စများကို သုတ်သည်။ နောက်ကြောင်းလှည့်၍ ဧည့်ခန်းတွင်းသို့ မပြန်မှီ သူ့မျက်နှာအား စေ့စေ့ကြည့်သွားသေးသည်။

သူက ပြော၏။ အဲ့ဒါလေးကို ပြန်ယူခဲ့စမ်းပါ။

သူမက ပြန်ပြော၏။ နင့်ပစ္စည်းတွေ နင်ယူပြီးသာ ထွက်သွားစမ်းဟဲ့။

သူက အဖြေမပေး။ ခရီးဆောင်အိပ်ကို ဆွဲပိတ်ပြီးသော် ကုတ်အင်္ကျီကိုဝတ်လျှက် မီးမပိတ်မှီ အခိုက်အတန့်၊ အခန်း ပတ်ပတ်လည်သို့ မျက်လုံးတချက် ဝေ့ကြည့်သည်။ ပြီးမှ ဧည့်ခန်းတွင်းသို့ ထွက်လာသည်။

သူမက ရင်ခွင်ပိုက် ကလေးငယ်နှင့် မီးဖိုချောင် အခန်းကျဉ်းလေး၏ တံခါးဝတွင် ရပ်နေသည်။

သူက ပြော၏။ ကလေးကို ငါခေါ်သွားမယ်။

နင် ရူးနေလား။

မရူးဘူး။ ဒါပေမဲ့ ကလေးကို ငါ ခေါ်သွားချင်တယ်။ သူ့ပစ္စည်းတွေကို နောက်မှ တယောက်ယောက်နဲ့ လာယူခိုင်းလိုက်မယ်။

သူမက ပြော၏။ နင်နော်။ ကလေးကို မထိနဲ့။

ကလေးက စ၍ ငိုသောကြောင့်၊ ကလေး၏ ခေါင်း၌ ပတ်ထားသော အနှီးစကို သူမ ဖယ်လိုက်ရသည်။

သူမက ကလေးအား ကြည့်ရင်း နှုတ်မှ ရေရွတ်၏။ အိုအို့အို၊ ကလေးရယ်။

သူက သူမထံ ရှေ့တိုးလာသည်။

ဘုရားဘုရား၊ ကယ်တော်မူပါ။ သူမက ပြောရင်း မီးဖိုချောင်တွင်းသို့ ခြေတလှမ်း ဆုတ်သည်။

ကလေးကို ငါခေါ်သွားချင်တယ်။

နင့်ကို ထွက်သွားလို့ ငါ ပြောနေတယ်နော်။

သူမက မီးဖိုဘေး၊ အနောက်ဖက်ထောင့်သို့ လှည့်၍ ကလေးအား တင်းတင်းကျပ်ကျပ် ပွေ့ဖက်ထားသည်။

သို့သော် သူကလည်း ရှေ့ဆက်တိုးသည်။ သူ့လက်အစုံဖြင့် မီးဖိုထက်မှ ဖြတ်ကျော်လျှက် ကလေးအား လှမ်းဆွဲရင်း ပြောသည်။

ကလေးကို လွှတ်လိုက်စမ်းပါ။

သူမက အော်၏။ နင့်ကို ထွက်သွားလို့ ငါ ပြောနေတယ်နော်။ မရဘူးလား။

ကလေးက မျက်နှာပြင်တခုလုံး ရဲရဲနီလျှက် သည်းသည်းထန်ထန် ငိုလေပြီ။  ရုန်းရင်းဆန်ခတ်ကြားထဲ မီးဖိုနောက်၌ ချိတ်ဆွဲထားသော ပန်းအိုးကို တိုက်မိ၍ ကျကွဲသည်။

သူက သူမအား နံရံရှိရာဖက်သို့ ချောင်ပိတ်လျှက် သူမ၏ လက်များကို ဆွဲဖယ်ရန် ကြိုးစားသည်။ ကလေးကို အရယူရန် ခန္ဓာကိုယ် အားကိုးဖြင့် သူမကို တွန်းထုတ်သည်။

သူက ပြော၏။ ကလေးကို လွှတ်နော်။

သူမက ပြော၏။ မလွှတ်ဘူး။ သူမက ထပ်ပြော၏။ နင် ကလေးကို နာအောင် မလုပ်နဲ့နော်။

 သူက ပြော၏။ ကလေးကို နာအောင်လုပ်တာ ငါမဟုတ်ဘူး။

မီးဖိုခန်း ပြူတင်းပေါက်မှ အလင်းရောင် မရှိတော့ပြီ။ မှောင်လုနီးပါး မမြင်မစမ်း၌ သူမ၏ လက်ဆုပ်လက်ကိုင်များ ပြေလျှော့သွားစေဖို့ သူက လက်တဖက်ဖြင့် အားထုတ်ရင်း၊ ကျန်လက်တဖက်ဖြင့် သည်းသည်းထန်ထန် ငိုနေသော ကလေးကို လက်မောင်းရင်းမှ ဆုပ်ကိုင်မိသည်။

သူမ၏ လက်ချောင်းများ မခံမရပ်နိုင် ဖြစ်လာသည်။ ကလေးအား ယခုထက်ပို၍ ဆုပ်ကိုင်ထားနိုင်ရန် အင်အားမရှိတော့ပြီ။

ကယ်ကြပါဦးရှင့်။ သူမ အော်ဟစ်ရုန်းကန်ရင်း ကလေးကို လက်လွှတ်လိုက်ရသည်။

သူမအနေဖြင့် ထိုကလေးအား ရယူပိုင်ဆိုင်လိုသည်။ ထို့ကြောင့် ကလေး၏ ကျန်လက်မောင်းတဖက်ကို မှီလုမှီခင် လှမ်းဆွဲသည်။ ကလေးကို လက်ကောက်ဝတ်မှ မှီသော် တတ်အားသမျှ အနောက်သို့ ယိမ်းသည်။

သို့သော် သူကလည်း အလျှော့မပေး။ ကလေးက သူ့လက်မှ လွတ်လုလွတ်ခင်၊ မမှီမကမ်း အားကုန်ထုတ်၍ ပြန်ဆွဲသည်။

ထိုနည်းခဏ အငြင်းပွားမှုပေါ် စီရင်ချက်ကျ၏။
 

ဖြတ်သွားဖြတ်လာ စုံတွဲများပေါ် မျက်စိတဆုံး

(Herbert Stein ရဲ့ Watching the Couples Go By ဆိုတဲ့ Essay လေးကို ဘာသာပြန်ကြည့်တာပါ။ 

Herbert Stein က ဘောဂဗေဒ ပညာရှင် Economist တဦး၊ အမေရိကန် သမ္မတ Nixon နဲ့ သမ္မတ Ford တို့လက်ထက်မှာ ဘဏ္ဍာရေးအကြံပေး လုပ်ခဲ့သူတဦးပါ။ သူ့တသက်တာ ရေးခဲ့တဲ့ Essay တွေကတော့ အများကြီးပဲ။ အထူးသဖြင့် ဘောဂဗေဒနဲ့ ပတ်သက်တယ်။ 

ဒီ Essay ကတော့ လူမှုရေးရာပေါ် သူ့အမြင်ပေါ့။ ဒါပေမဲ့ လူသိများပါတယ်။ Reader's Digest အပါအ၀င် နာမည်ကြီး မဂ္ဂဇင်းပေါင်း များစွာက အခေါက်ခေါက် အခါခါ ထည့်သွင်းဖေါ်ပြကြတယ်။ Google Search မှာ Watching the Couples Go By လို့ ရိုက်ထည့်ကြည့်ရုံနဲ့ မူရင်းကို အလွယ်တကူ ရှာတွေ့ပါလိမ့်မယ်။

မြန်မာလို ဘာသာပြန်ထားတဲ့ မူတွေလည်း အများကြီးပဲ။ ဒါပေမဲ့ ကျွန်တော်ကလည်း ကျွန်တော့်ရဲ့ ချည်းကပ်မှုနဲ့ တသီးပုဂ္ဂလ စမ်းသပ်ချင်လို့ပါ။ အကောင်းဆုံး မဟုတ်တာ သေချာပါတယ်။)

ဖြတ်သွားဖြတ်လာ စုံတွဲများပေါ် မျက်စိတဆုံး

ကျွန်တော့်ရင်ထဲ ကိန်းအောင်းခဲ့ဖူးတဲ့ စိတ်ကူးယဉ် အိပ်မက်တခုက၊ ပဲရစ်မြို့ကို အရောက်သွားပြီး လမ်းနားဘေး ကော်ဖီဆိုင်တဆိုင်မှာ ထိုင်မယ်။ ပြင်သစ်ပြည်တွင်းဖြစ် Gauloise စီးကရက်ကို ဖွာရင်း မှတ်စုစာအုပ် Un cahier ကို ထုတ်၊ ကျွန်တော့်ရဲ့ ဘောလ်ပင် La plume de ma tante နဲ့ စာတိုပေစလေးတွေ ရေးချင်တယ်ပေါ့။ ကျွန်တော်ရေးမယ့် စာတွေက ဘောဂဗေဒနဲ့ မသက်ဆိုင်ပါဘူး။ ဘယ်သူပဲဖြစ်ဖြစ်၊ လမ်းနားဘေး ကော်ဖီဆိုင်မှာ ထိုင်ပြီး ဘောဂဗေဒအကြောင်း ရေးဖို့ ခက်ပါတယ်။။ ဒါကြောင့်ပဲ ထင်တယ်။ ထူးထူးခြားခြား အသိအမှတ်ပြုခံရတဲ့ ပြင်သစ်လူမျိုး ဘောဂဗေဒ ပညာရှင်ဆိုလို့ အတော်နည်းတယ်။ ဒါဆို ကျွန်တော်ရေးချင်တာက ၀တ္တုတပုဒ်၊ ဒါမှမဟုတ် ကဗျာတပိုဒ်၊ ဒါမှမဟုတ် ဒသ၁နိက ကျမ်းတစောင်လည်း ဖြစ်ကောင်းဖြစ်နိုင်တယ်။ ဒါပေမဲ့ မကြာခဏဆိုသလို မျက်လုံး အသာပင့်ပြီး ဖြတ်သွားဖြတ်လာ Les filles  မိန်းမပျိုလေးတွေကို ငေးကြည့်ချင်သေးတယ်ဗျ။

အခုတော့ ဒီလို စိတ်ကူးယဉ် အိပ်မက်တွေ ကုန်ဆုံးခဲ့ပါပြီ။ ဒါပေမဲ့ တခုတော့ ရှိတယ်။ ကျွန်တော် အချိန်ရရင် ရသလို၊ ကနေဒီစင်တာ Kennedy Center ဖက်သွားတဲ့ လမ်းနားဘေးက လေဟာပြင် စားသောက်ဆိုင်လေးမှာ သွားထိုင်ဖြစ်တယ်။ စာရေးဖို့ မဟုတ်ပါဘူး။ La plume de ma tante ကြီးနဲ့လည်း မရေးနိုင်တော့ပါဘူး။ ကွန်ပျူတာ စာစီစာရိုက် ဆော့ဖ်ဝဲတွေကို ကျွန်တော် စွဲလမ်းနေပြီဗျ။ လက်ပ်တော့ပ် ကွန်ပျူတာတလုံး ယူသွားမယ်ဆိုရင်တော့ ဖြစ်နိုင်ပါတယ်။ ဒါပေမဲ့ ဒီလို ခေတ်မှီ စက်ကိရိယာပစ္စည်းတွေက ကျွန်တော့်ရဲ့ ကြည်နူးဆွတ်ပျံ့ဖွယ် အတွေးအာရုံကို အနှောင့်အယှက် ပေးသလိုပဲ။ ဒီတော့ ဒီအတိုင်းပဲ ဖြတ်သွားဖြတ်လာတွေကို ငေးကြည့်နေလိုက်တယ်။

(Kennedy Center လို့ လူသိများတဲ့ John F. Kennedy Center for the Performing Arts အဆောက်အဦကို ၁၉၇၁ ခုနှစ်၊ စက်တင်ဘာလ (၈)ရက်နေ့မှာ ဖွင့်လှစ်ခဲ့တယ်။ အမေရိကန် ပြည်ထောင်စု Washington, D.C မှာ ရှိပါတယ်။)

ဒီနေရာမှာ ကျွန်တော်ပြောချင်တာ မိန်းမပျိုလေးတွေအကြောင်း မဟုတ်ဘူး။ ကျွန်တော်ပြောချင်တဲ့ အကြောင်းက အိမ်ထောင်သည် စုံတွဲတွေနဲ့ ပတ်သက်ပါတယ်။ နေပါဦး။ ကနေဒီစင်တာဖက် လက်ချင်းချိတ်ပြီး သွားနေကြတဲ့ ဒီအမျိုသားနဲ့ ဒီအမျိုးသမီးတွေက အိမ်ထောင်သည် စုံတွဲတွေလား။ ကျွန်တော်လည်း  ဘယ်လိုလုပ် တပ်အပ်သိမှာလဲ။ ဒါပေမဲ့ စစ်တမ်းတွေအရ အသက် ၃၀ နဲ့ ၇၅ ကြား၊ အမျိုးသား ၇၅% က အိမ်ထောင်သည်တွေဗျ။ ဒီအသက်အရွယ်တန်း အမျိုးသားတဦးက အမျိုးသမီးတဦးကို လက်ချင်းချိတ်ပြီး ကနေဒီစင်တာဖက် သွားနေပြီဆိုမှာတော့ အပျော်သဘော ကလပ်တက်တာမျိုး မဖြစ်နိုင်ဘူး။ ကျွန်တော် ပြောရဲတယ်။ သူတို့ အိမ်ထောင်သည် စုံတွဲတွေပါ။ လုံးဝ သေချာသလောက်ပဲ။

အထူးသဖြင့် ဒီစုံတွဲတွေထဲက အမျိုးသမီးတွေကို ကျွန်တော် အလေးထား လေ့လာမိတယ်။ သူတို့အားလုံး ညို့အားကောင်းတဲ့ မိန်းမချော၊ မိန်းလှတွေ မဟုတ်ကြပါဘူး။ မာလင်းဒိထရိ Marlene Dietrichs ၊ မာရီလင်မွန်ရိုး Marilyn Monroes ၊ ဒါမှမဟုတ် ဗီဗီယန်လေ Vivien Leighs ၊ သူတို့နဲ့ တူဖို့ ဝေးစွ။ (စကားမစပ် - ညို့အားကောင်းတဲ့ မိန်းမချော၊ မိန်းမလှတွေအကြောင်း ရောက်တော့ သက်ရှိထင်ရှား ရုပ်ရှင်မင်းသမီး တဦးတလေမှ ကျွန်တော့်ခေါင်းထဲက ထွက်မလာဘူး။ ကျွန်တော့်အသက်ကို ခင်ဗျားတို့ မှန်းကြည့်လို့ ရလောက်ပြီ။) တချို့လည်း လှကြပါတယ်။ ဒါပေမဲ့ အများစုက ရွက်ကြမ်းရေကျိုပဲ။ သူတို့တွေ ကနေဒီစင်တာကို သွားတဲ့ လမ်းပေါ် ရောက်နေပြီဆိုမှတော့ ပြဇာတ် ကြည့်ဖို့၊ အော်ပရာ ခံစားဖို့၊ သံစုံဂီတ၀ိုင်းနဲ့ စီးမျောဖို့၊ ယဉ်ကျေးမှု အနုသုခုမနဲ့ ပတ်သက်လာရင် သူလိုကိုယ်လို လူတွေထက် အပုံကြီးသာသူတွေလို့ ခင်ဗျားတို့ ယူဆနိုင်ပါတယ်။ ကျွန်တော်ကတော့ နောက်ထပ် ရှုထောင့်ပေါင်းစုံက အခါခါ သုံးသပ်ပြီး ပြောပါရစေ။ သူတို့လည်း သာမာန်လူတွေပဲ။

ဒါပေမဲ့ အမျိုးသားတဦးအတွက် သူ့လက်မောင်းကို တွဲခိုလိုက်ပါလာတဲ့ အမျိုးသမီးတဦးက ထူးမခြားနား သာမန်မဟုတ်ဘူးဗျ။ ဒီအမျိုးသားအတွက် တုနိုင်းမရတဲ့ ကမ္ဘာလောကကြီး တစ်ခုလုံးပါ။ ခင်ဗျားတို့က ကျွန်တော့်ကို အငြင်းပွားဦးမယ်။ ဒီလူပေါ့။ သူ့ရုံးကို မနေ့တနေ့ကမှ ရောက်လာတဲ့ အလုပ်သင် ကောင်မလေးနဲ့ ဟိုလိုလို ဒီလိုလို စသဖြင့်ပေါ့။ အတင်းအဖျင်းတွေပါဗျာ။ အခြေခံအကျဆုံးကို ပြောရရင် ဒီအမျိုးသားရဲ့ ဘ၀တခုလုံးအတွက် ဒီအမျိုးသမီးက တန်ဖိုးဖြတ်လို့ကို မရဘူး။

ကမ္ဘာဦးကျမ်းက ဒီလိုဆိုပါတယ်။ "ထာဝရအရှင် ဘုရားသခင်ကလည်း၊ ယောက်ျားသည် တယောက်တည်း မနေကောင်း၊ သူနှင့်တော်သော အထောက်အမကို သူ့အဖို့ ငါလုပ်ဦးမည် ဟု အကြံရှိတော်မူ၏။" ဒီလိုနဲ့ပဲ "လူမိန်းမကို ဖန်ဆင်း၍ လူရှိရာသို့ ဆောင်ခဲ့တော်မူ၏"တဲ့။ ဒီတော့ ဘုရားသခင် ဖန်ဆင်းခဲ့တဲ့ မိန်းမက မိန်းမချော မိန်းမလှတဦး မဟုတ်တာ သေချာပါတယ်။ အသိဥာဏ်ပညာ ထက်မြက်တဲ့ မိန်းမလည်း မဟုတ်ဘူး။ ထင်ယောင်ထင်မှား နာမ၀ိသေသနလည်း တလုံးမှ မပါဘူး။ ဘုရားသခင်က "သာမန်"မိန်းမကိုပဲ ဖန်ဆင်းခဲ့တယ်။

ဒါဆို ကိုယ့်လက်မောင်းကို တွဲခိုလိုက်ပါလာတဲ့ "သာမာန်"မိန်းမတဦးက ဒီအမျိုးသားအတွက် ဘာ့ကြောင့် ဒီလောက်တောင် အရေးပါနေရသလဲ။ ကျွန်တော် တွေးမိသလောက် ရိုးစင်းတဲ့အချက် သုံးချက်ပဲ ရှိတယ်။

ပထမဆုံး အချက်က တူနှစ်ကိုယ် လဲလျှောင်းခိုက် ဒီအမျိုးသမီးရဲ့ အနွေးဓါတ်ပါတဲ့ ခန္ဓာကိုယ်ပဲ။ ကျွန်တော် တဏှာပေမ ကိစ္စတွေအကြောင်း ပြောနေတာ မဟုတ်ပါဘူး။ ဒါပေမဲ့ ယေဘုယျအားဖြင့် ခြုံငုံသုံးသပ်တိုင်း ဒီကိစ္စက အရေးကြီးတယ်။ ကျွန်တော့်ကို ပြောခွင့်ပြုပါ။ လူသားဆန်တဲ့ အထိအတွေ့ အာရုံနဲ့ပတ်သက်လို့ပေါ့။ ရှေးဦးမဆွ အဓိကကျပါတယ်။

ပုခက်ထဲမှာ ငိုနေတဲ့ ကလေးပေါက်စလေးက စကားစမြည်ပြောချင်လို့၊ ဒါမှမဟုတ် ရွှေလက်စွပ်တကွင်းကို တောင့်တလို့ မဟုတ်ပါဘူး။ ကောက်ယူပွေ့ဖက်ပြီး အယုအယ ခံချင်လို့ပါ။ အရွယ်ရောက်ပြီး လူကြီးသူမတွေလည်း ဒီတိုင်းပဲ။ အပြုအစု၊ အယုအယ လိုပါတယ်။  ထူးမခြားနား အထီးကျန်ဆန်လှတဲ့ လောကကြီးထဲ နှစ်ကိုယ်ကြား ပွတ်သပ်ချော့မြူပြီး အနွေးဓါတ် ခံယူချင်သူတွေချည်းပါပဲ။ လုပ်ခွင့်ရဖို့လည်း အရေးကြီးတယ်။ ရွက်ကြမ်းရေကျို အမျိုးသမီးတဦးနဲ့ ရွက်ကြမ်းရေကျို အမျိုးသားတဦးကြားက ရှောင်လွှဲလို့ မရတဲ့ ကိစ္စလို့ ဆိုနိုင်ပါတယ်။

ပြီးတော့ စကားစမြည်ဖလှယ်ခြင်းကလည်း အရေးကြီးလာပြန်တယ်။ ဒီစုံတွဲတွေကြား၊ နှစ်ပေါင်း သုံးဆယ်ကျော် နီးပါး စကားတွေ ဖောင်ဖွဲ့ပြီးမှ ပြောစရာ စကားရော ကျန်ပါဦးမလားလို့ ခင်ဗျားတို့ တွေးကောင်းတွေးမိလိမ့်မယ်။ ဒီလိုရှိပါတယ်။ ခင်ဗျားရဲ့ အောင်မြင်မှုနဲ့ ကြီးကျယ်ခမ်းနားမှုတွေအကြောင်း တခမ်းတနား ကြွေးကျော်လိုက်စမ်းပါ။ ခင်ဗျားကို လေလုံးထွားတယ်လို့ မထင်တဲ့သူက ခင်ဗျားရဲ့ အမျိုးသမီးပဲ။ ခင်ဗျားရဲ့ ရှုံးနိမ့်မှုတွေအကြောင်း ရိုးရိုးသားသား ပြောပြလိုက်ပါ။ သူက ဖေးမကူညီလိမ့်မယ်။ နောက်ဆုံး အရည်မရအဖတ်မရတွေ လျှောက်ပြောဦး။ သူက ခင်ဗျားကို ဘေးမဲ့ပေးထားလိမ့်မယ်။ တကယ်တော့ တဦးပေါ်တဦး စိတ်ဝင်တစား ရှိဖို့နဲ့ ဒီလို စိတ်ဝင်စားမှုဆိုတာရှိမှလည်း နားလည်မှုဆိုတာ ရှိလာမှာပါ။

အိမ်ထောင်သည် စုံတွဲတွေကြား၊ စကားစမြည်ဖလှယ်ခြင်းက သတင်းအချက်အလက် စုံစမ်းထောက်လှမ်းရုံ သက်သက် မဟုတ်ပါဘူး။ အရေးကြီးတာက "ကိုယ် ဒီမှာ ရှိတယ်။ မင်း ကိုယ့်အနားမှာ ရှိနေမှန်း ကိုယ်သိတယ်"ဆိုတဲ့ အကြောင်းကို အသိပေးဖို့ပဲ။

တတိယအချက်ကတော့ အမျိုးသားတဦးအနေနဲ့ သူ့ကို မရှိမဖြစ် လိုအပ်တဲ့ အမျိုးသမီးတဦး ... ၊ လုံးဝ လိုအပ်ပါတယ်။ ခင်ဗျားရဲ့ ထူးချွန်ပြောင်မြောက်မှုတွေကို ခဏ ဘေးဖယ်ထားဦး။ ခင်ဗျားကို ဘယ်သူကမှ မလိုအပ်တော့တဲ့နောက်၊ ခင်ဗျားရဲ့ ဘ၀က ဘယ်လိုလုပ် အဓိပ္ပါယ်ရှိမှာလဲ။ တခြားသူတွေ၊ ဥပမာ … ၊ ခင်ဗျားရဲ့ အလုပ်ရှင်၊ ကျောင်းသားတွေနဲ့ စာဖတ်ပရိတ်သတ်တွေကလည်း၊ ခင်ဗျားကို လိုအပ်တဲ့အကြောင်း ပြောနိုင်ပါတယ်။ ဒါပေမဲ့ မတူပါဘူး။ ဒီလို ဆက်ဆံရေးတွေအားလုံးက တန်ဖိုးတစ်ခု ပေးဆပ်ပြီး ပြန်အစားထိုးလို့ ရတာချည်းပဲ။ ဒါပေမဲ့ ခင်ဗျားရဲ့ အမျိုးသမီးကို အစားထိုးဖို့ ခက်ပါလိမ့်မယ်။ သူ့ကြောင့် ခင်ဗျားရဲ့ ယုံကြည်မှုတွေ မြင့်တက်လာပြီး ကမ္ဘာလောကကြီးထဲ နစ္စဒူဝ ရင်ဆိုင်ခဲ့တယ်ပဲ မဟုတ်လား။

ဒါဆို ဒီ"သာမန်"မိန်းမတဦးက ဒီအမျိုးသားအတွက် - အမေရိကန်ပြည်ထောင်စုထဲမှာ နေထိုင်တဲ့ လူဦးရေ သန်း (၅၀)ထက် - ဘယ်လောက်တောင် ပိုပြီး ထူးထူးခြားခြား တန်ဖိုးရှိနေပါသလဲ။ ခင်ဗျားကိုယ်တိုင်လည်း တွက်ချက်ကြည့်ဖူးမယ် မထင်ပါဘူး။ ဈေးကွက်နဲ့ ယှဉ်ပြီး စဉ်းစားရမယ့် ကိစ္စမှ မဟုတ်ပဲ။ အားလုံးသိမှာပါ။ ကိုယ့်အမျိုးသမီးပေါ် ကိုယ် ဘယ်လောက်အထိ တန်ဖိုးထားလဲ၊ ထုတ်မပြောတဲ့ အမျိုးသားတွေ အများကြီး ရှိပါတယ်။ ဒါပေမဲ့ သူ့အတိုင်းအတာနဲ့သူတော့ တန်ဖိုးထားကြသူတွေချည်းပဲ။

ကျွန်တော့်အမြင်တွေက အမျိုးသားသီးသန့် ရှုထောင့်ဖြစ်နေမှန်း ကျွန်တော် သဘောပေါက်ပါတယ်။ ဒါကလည်း စာရေးသူ ကျွန်တော်ကိုယ်တိုင် အမျိုးသားတဦး ဖြစ်နေတဲ့အတွက် သဘာဝကျတယ်လို့ ထင်ပါတယ်။ ဒါပေမဲ့ အထက်မှာ ကျွန်တော် ရှင်းပြဖို့ ကြိုးစားသွားသမျှ အားလုံး၊ တဖက်စောင်းနင်း ဖြစ်နေတယ်လို့ ကျွန်တော်အနေနဲ့ စိုးစဉ်းတောင် မတွေးမိဘူး။ သေချာတာက နှစ်ဦးနှစ်ဖက် မှီခိုနေရတယ်။ ကိုင်းကျွန်းမှီ ကျွန်းကိုင်မှီပေါ့။

ကျွန်တော့်ကွယ်ရာမှာ ပြောနေကြမယ့် ခင်ဗျားတို့ရဲ့ စကားသံတွေကိုလည်း ကြားယောင်မိသေးတယ်။

"ခင်ဗျားက ဒီအကြောင်းတွေ ဘယ်လိုလုပ် သိနေတာလဲ။ ခင်ဗျားက ဘောဂဗေဒ ပညာရှင်လေ။ မရေရာမှုပေါင်းစုံကို သက်သေပြဖို့ ကြိုးစားရင်း ဘ၀ကို ရုန်းကန်ခဲ့ရသူပဲ။ အန်းလန်ဒါ Ann Landers လည်း မဟုတ်ပဲနဲ့"။ အားလုံး မှန်ပါတယ်။ ဒါပေမဲ့ ကျွန်တော့်အမျိုးသမီးနဲ့ ကျွန်တော်လည်း အခု ကနေဒီစင်တာရှိတဲ့ ကုန်းမြင့်လေးပေါ်အတူတူ လျှောက်လှမ်းခဲ့ဖူးတာ အကြိမ်ပေါင်း မရေမတွက်နိုင်အောင်ပါပဲ။

(Ann Lander ဆိုသူအမျိုးသမီးက လူသိများတဲ့ အမေရိကန် လူမှုရေးပညာရှင်ပါ။)

ရှန်းဇန့် - အပိုင်း (၇)

 

 

တော်ပါတော့။ လုပ်သားပြည်သူတဲ့

 (Checkov ရဲ့ Oh! The Public ကို ကျွန်တော် ဘာသာပြန်ကြည့်တာပါ။)

တော်ပါတော့။ လုပ်သားပြည်သူတဲ့

"လုပ်ပြန်ပြီ။ ငါလည်း အရက်ပဲ သောက်ဖြစ်နေတော့တာပဲ။ ဘယ်လိုအကြောင်း … ဘယ်လိုအကြောင်းကြောင့်မှ ငါ ဒီလို မဖြစ်သင့်ဘူး။ ငါ့ကိုယ်ငါ ထိန်းကွပ်ဖို့ အချိန်တန်ပြီ။ မားမားမတ်မတ်ရပ်ပြီး အလုပ်ထဲ ၀င်ချိန်တန်ပြီ။ ငါ့နှယ်၊ လစာကျတော့ ၀မ်းသာအားရ ယူတတ်တယ်။ အိပ်ရေးပျက်တာနဲ့ အနေအစား ဆင်းရဲတာတွေကို ခဏထားဦး။ ရိုးရိုးသားသား၊ ကြိုးကြိုးစားစားနဲ့ တာဝန်သိတတ်ဖို့ ကောင်းတယ်။ အခုတော့ မဟုတ်ဘူး။ ငါဆိုတဲ့ကောင်က လစာကို အလကားမတ်တင်း၊ မတန်မရာ ယူသလိုဖြစ်နေပြီ။ ဒါ နည်းမှန်လမ်းမှန် မဟုတ်သေးဘူး … ၊ လုံးဝကို နည်းလမ်းမကျဘူး"

ထူးမခြားနား သြ၀ါဒပေါင်းများစွာဖြင့် မိမိကိုယ်မိမိ အပြစ်တင် ဆုံးမပြီးသော် လက်မှတ်စစ်ကြီး ပိုတျာဂျင်တစ်ယောက် လုပ်ငန်းခွင်သို့ ၀င်ရန် သွေးပူစပြုလေပြီ။ အချိန်က ညတစ်နာရီနီးပါး ... ၊ သို့သော် လက်အောက်ငယ်သားများအား နှိုး၍ လူစီးတွဲများကြား အစုန်အဆန် ဖြတ်သန်းလျှက် လက်မှတ်စစ်ခြင်းအမှုကို ပြုတော့သည်။

"ကျေးဇူးပြု၍ လက်မှတ်လေး တဆိတ်လောက် ပြပါခင်ဗျာ" ပိုတျာဂျင်က အော်ဟစ်နှိုးဆော်ရင်း လက်မှတ်ဖြတ်စက်အား အဆက်မပြတ်ဖိနှိပ်လျှက် ကလစ်ကလစ် မြည်သံပေး၏။

လူစီးတွဲ၏ လင်းတစ်လှည့် မှိန်တစ်လှည့် အလင်းရောင်များကြား အိပ်မှုံစုံဖွား လူရုပ်သဏ္ဍာန်များက ကုန်းရုန်းထ၍ ခေါင်းများကို ခါယမ်းလျှက် လက်မှတ်များကို ထုတ်ပြကြသည်။

"ကျေးဇူးပြု၍ လက်မှတ်လေး တဆိတ်လောက် ပြပါခင်ဗျာ" ပိုတျာဂျင်က ဒုတိယတန်း ခရီးသည်တစ်ဦးအား ဦးတည်၍ ပြောလိုက်သည်။ ထိုသူ၏ ပုံပန်းသဏ္ဍာန်က ရိုးပိန်နံချောင်လျှက် အားအင်ကုန်ခမ်းနေသယောင် ရှိ၏။ သားမွှေးကုတ်အင်္ကျီနှင့် စောင်များ အထပ်ထပ်ရစ်ပတ်လျှက် ခေါင်းအုံးများကြား နစ်မြုပ်နေသည်။ "ကျေးဇူးပြု၍ လက်မှတ်လေးပါခင်ဗျာ" ပိုတျာဂျင်က ထပ်ပြောသည်။

ရိုးပိန်နံချောင် ပုဂ္ဂိုလ်က တုံပြန်မှုမပေး။ နှစ်နှစ်ခြိုက်ခြိုက် အိပ်မောကျနေဟန် ရှိ၏။ လက်မှတ်စစ်ကြီးကလည်း သူ့၏ ပုခုံးအား လှုပ်နှိုး၍ သည်းမခံနိုင်စွာ ထပ်တလဲလဲ ပြောတော့သည်။ "ကျေးဇူးပြု၍ လက်မှတ်လေး တဆိတ်လောက် ပြပါဗျာ"

ခရီးသည်က လှုပ်လှုပ်ရှားရှား နိုးလာသည်။ ရီဝေသော မျက်လုံးအစုံဖြင့် ပိုတျာဂျင်အား နားမလည်ဟန် ကြည့်၏။ 

"ဘာကွ … ၊ ဘယ်သူလဲ … ၊ ဟာကွာ …"

"ခင်ဗျားကို အရိုးရှင်းဆုံး ဘာသာစကားနဲ့ ပြောနေတယ်။ ကျေးဇူးပြုပြီး လက်မှတ်လေးတစ်ဆိတ်လောက်။ ကျုပ်က ကျေးဇူးပြုပြီး တောင်းနေတာပါ"

"ဘုရား ဘုရား" ရိုးပိန်နံချောင်ပုဂ္ဂိုလ်က မရွှင်မပျ၊ ညိုးငယ်သော မျက်နှာထားဖြင့် ညည်းတွား၏။ "ကောင်းကင်ဘုံကို တိုင်တည်ပါရစေ။ ငါ့မှာ အိပ်မရတဲ့ရောဂါ ခံစားနေရတယ်ကွ။ … မအိပ်နိုင်တာ သုံးရက်တောင် ရှိပြီ။ အခုမှ အိပ်ပျော်လိုပျော်ငြား အိပ်ဆေးလေးသောက်ပြီးခါစ ရှိသေးတယ်။ … ၊ မင်းလက်မှတ်ကို ငါက ဘာလုပ်ရမှာလဲ။ အကြင်နာတရား ခေါင်းပါးလွန်းတယ်။ လူမဆန်တဲ့ အကောင်။ ငါ့မှာ တစ်ရေးလေး အိပ်ခွင့်ရဖို့အရေး ဘယ်လောက်အထိ ခက်ခဲလဲဆိုတာ မင်းသိရင် အခုလို အရေးမပါတဲ့ ကိစ္စတွေအတွက် လာပြီး အနှောင့်အယှက်ပေးဝံ့မှာ မဟုတ်ဘူး။ ရက်စက်ကြမ်းကြုတ်တဲ့ အကောင်။ လက်ခံနိုင်စရာကို မရှိဘူး။ ငါ့လက်မှတ်ကို မင်းက ဘာလုပ်ချင်တုန်း။ သုံးစားမရအောင် အသိဥာဏ်မဲ့တဲ့ အကောင်"

ပိုတျာဂျင်အနေဖြင့် ခွန်းတုံ့ ပြန်ရန် သင့်မသင့် ချိန်ဆရတော့သည်။ … နောက်ဆုံး ခွန်းတုံ့ ပြန်ရန် ဆုံးဖြတ်လိုက်၏။

"ခင်ဗျား မအော်ပါနဲ့။ ဒါ ပ်ံက်ေစ်း မဟုတ္ဘူး"

"အေး ... ၊ သိတယ်ကွ။ ဒါပေမဲ့ ပျံကျဈေးက သူတွေက မင်းထက် ပိုပြီး လူဆန်တယ်" ခရီးသည်က ချောင်းဟန့်သံတစ်ဝက် စွက်၍ ပြောသည်။ "မင်း ငါ့ကို ကောင်းကောင်းအိပ်ခွင့်ပေးရင်တော့ အံ့မခန်းပဲကွာ။ ငါဆိုတဲ့ကောင်က နိုင်ငံရပ်ခြားမှာ နေရာအနှံ့ လျှောက်ပတ်ခဲ့တာကွ။ ငါ့ကို ဘယ်သူမှ လက်မှတ် မတောင်းဖူးဘူး။ မင်းပဲ တောင်းပြီးရင်း တောင်းနေတာ။ မင်းကို ဘီလူးစီးနေလား"

"ကောင်းပြီလေ။ ဒါဆိုလည်း ခင်ဗျားကြိုက်တဲ့ နိုင်ငံရပ်ခြားကို ဘာဖြစ်လို့ ပြန်မသွားလဲ"

"အော် ... ၊ ဟုတ်ကဲ့။ ကျွန်တော် မှားပါတယ်ခင်ဗျာ။ အေး ... ၊ မင်းတို့ကပဲ ပြောရတယ်ရှိသေး။ ခရီးသည်တွေကို တိုးကျိတ်ကျပ်ညှပ်နေအောင် တင်ပြီး အနံအသက်ဆိုးတွေနဲ့ အသေသတ်လို့ အားမရဘူး။ ကြိုးနီစနစ်နဲ့ ဇွဲကြိုးချ ကွပ်မျက်ချင်သေးတယ်။ မင်းတို့အားလုံး သေလိုက်ပါလား။ လက်မှတ်ပြရမယ်တဲ့။ ဘုရားသခင် ... ၊ ကယ်တော်မူပါ။ ခရီးသည်တစ်ဝက်လောက်က လက်မှတ်မပါပဲ ခိုးစီးနေကြမှန်း ဒီကောင်တွေ သိရင် ဘယ်လိုများနေမယ် မပြောတတ်ဘူး"

"ဒီမယ် ဆရာကြီး။ ကျွန်တော်ပြောတာကို နားထောင်ပါ" ပိုတျာဂျင်ကလည်း မာမာထန်ထန် ပြန်ပြောသည်။ "ခင်ဗျား ဒီအတိုင်းပဲ အော်ဟစ်ပြီး ခရီးသွားလုပ်သားပြည်သူတွေကို အနှောင့်အယှက် ပေးနေမယ်ဆိုရင် နောက်ဘူတာမှာ ခင်ဗျားကို ဆင်းခိုင်းရလိမ့်မယ်။ ပြီးရင် ကျွန်တော့်ဖက်က အခင်းဖြစ်ပွားပုံကို အစီရင်ခံစာ တင်လိုက်ရုံပဲ"

ခရီးသွား "လုပ်သားပြည်သူ"အပေါင်းက မခံမရပ်နိုင်၊ တစ်ယောက်တစ်ပေါက် အော်ဟစ်ဆဲဆိုကြတော့သည်။ "မိုက်ရိုင်းလှချည်လားကွ။ မစွမ်းမသန်ကိုမှ လာပြီး နှိပ်စက်ရတယ်လို့ကွာ။ ဒီမယ် ဟေ့ကောင် … ။ မင်းမှာ ဦးနှောက်မပါဘူးလား"

"ဒါပေမဲ့ ဒီဆရာကြီးက စပြီး မဆီမဆိုင် ရုပ်ရင်းကြမ်းတမ်းနေတာလေဗျာ" ပိုတျာဂျင့်ခမျာ ပြောသာပြောရသည်။ အနည်းငယ် ခြောက်ခြားစပြုလေပြီ။ "ကောင်းပြီလေ။ ကျွန်တော် လက်မှတ်ကို မယူတော့ပါဘူး။ ခင်ဗျားတို့ သဘောပဲ။ ဒါပေမဲ့ ခင်ဗျားတို့ ကောင်းကောင်းသိပါတယ်။ ဒါ ကျွန်တော့်တာဝန်ဗျ။ ဒါကို ကျွန်တော်နဲ့ မဆိုင်ဘူးလို့ ခင်ဗျားတို့ ယူဆရင် ရုံပိုင်ကြီးကိုသာ သွားမေးကြည့်။ ကြိုက်တဲ့သူကို မေးကြည့်နိုင်ပါတယ်။"

ပိုတျာဂျင် ပုခုံးကို အသာတွန့်၍ မစွမ်းမသန် ပုဂ္ဂိုလ်ထံမှ ထွက်ခွါသည်။ ဦးစွာပထမ၊ စိတ်ပျက်အားမိငယ်မိသလို နာကျင်စွာ ခံစားရ၏။ သိုသော် ရထားတွဲ နှစ်တွဲသုံးတွဲခန့် ဖြတ်သန်းပြီးသော် လက်မှတ်စစ်တစ်ဦး၏ မာန်မာနဖြင့် ရင်ထဲ ထူးထူးခြားခြား မခံမရပ်နိုင်ဖြစ်လာသည်။ 

ပိုတျာဂျင် တွေးမိသည်။ "ငါကလည်း ငါပဲ။ မစွမ်းမသန်ကိုမှ သွားနိုးမိတယ်။ … ၊ ဒါပေမဲ့ ဒါကလည်း ငါ့အမှား မဟုတ်ပါဘူးလေ။ … ၊ သူတို့က ငါ့ကို အကြောင်းမဲ့သက်သက် ပြသနာရှာတယ်လို့ ထင်နေကြတယ်။ ငါ့ဖက်က ၀တ္တရားအတိုင်း ဆောင်ရွက်ရတယ်ဆိုတာကို သဘောမပေါက်ကြဘူး။ သူတို့ မယုံတော့လည်း ရုံပိုင်ကြီးကို ခေါ်လာပြီး တွေ့ပေးရုံပဲ ရှိတယ်" 

နောက်တစ်ဘူတာ၌ ငါးမိနစ်စာ ရထားဆိုက်သည်။ တတိယအကြိမ် ခေါင်းလောင်းသံ မပေးမှီ ပိုတျာဂျင်တစ်ယောက် အခင်းဖြစ်ပွားရာ ဒုတိယတန်း ရထားတွဲအတွင်းသို့ ပြန်လည်ရောက်ရှိလာ၏။ သူနှင့်အတူ ဦးထုပ်နီဆောင်းထားသော ရုံပိုင်ကြီးက ဒေါင်းတင်မောင်းတင် လိုက်ပါလာသည်။

ပိုတ်ာဂ်င္က စကားစ၏။ "ဒီလူကြီးမင်းပါပဲ ခင်ဗျာ။ ကျွန်တော့်အနေနဲ့ သူ့ဆီက လက်မှတ်တောင်းပိုင်ခွင့် မရှိဘူးလို့ ငြင်းပါတယ်။ ကျွန်တော်ကိုလည်း ရန်လုပ်ပါတယ်။ ရုံပိုင်ကြီးခင်ဗျာ။ သူ့ကို ရှင်းပြပေးစေလိုပါတယ်" ပိုတာဂျင်မှ ရိုးပိန်နံချောင် ပုဂ္ဂိုလ်ဖက် လှည့်၍လည်း ပြောသည်။ " ဆရာကြီးခင်ဗျာ။ ကျွန်တော်က စည်းမျည်းစည်းကမ်းအတိုင်း လက်မှတ်စစ်တာပါ။ ကိုယ်ရေးကိုယ်တာကြောင့် မဟုတ်ပါဘူး။ ကျွန်တော်ပြောတာကို မယုံရင် ရုံပိုင်ကြီးကို မေးကြည့်နိုင်ပါတယ်"

မစွမ်းမသန် ပုဂ္ဂိုလ်က ပျားတုပ်ခံရသူပမာ ဆတ်ကနဲထ၍ မျက်လုံးဖွင့်ကြည့်သည်။ ထို့နောက် မရွှင်မပျ၊ ညိုးငယ်သော မျက်နှာထားဖြင့် ခုံနောက်မှီ၌ နစ်မြုပ်လုမတတ် ပြန်လှဲကာ နေ၏။

"ဘုရားဘုရား။ ဆေးနောက်တစ်ခွက် ထပ်သောက်ပြီး မှေးခါစ ရှိသေးတယ်။ မင်းက နောက်တစ်ခေါက် ထပ်ရောက်လာပြန်ပြီ။ ငါ့ကို မသနားတော့ဘူးလားကွာ။ တောင်းပန်ပါတယ်"

"ရုံပိုင်ကြီးကိုသာ မေးကြည့်ပါဗျာ။ ကျွန်တော့်အနေနဲ့ ခင်ဗျားဆီက လက်မှတ်တောင်း ပိုင်ခွင့် ရှိတယ်၊ မရှိဘူးဆိုတဲ့ ကိစ္စကို …"

"လွန်လွန်းတယ်ကွာ။ လက်မှတ်လား … ၊ လက်မှတ်။ အေး … ၊ နောက်ထပ် ငါးစောင်စာ ထပ်ပေးပြီးပဲ အေးအေးချမ်းချမ်း သေလိုက်ချင်တယ်။ မင်း လူမမာ မဖြစ်ဖူးဘူးလား။ အသည်းနှလုံးမရှိတဲ့ ကောင်တွေပဲ"

စစ်ဖက်ဆိုင်ရာ ယူနီဖောင်း ၀တ်ထားသူတစ်ဦးက မခံမရပ်နိုင် ၀င်ပါတော့သည်။ "ခင်ဗျားဟာက လူတစ်ဖက်သားကို သက်သက်မဲ့ နှိပ်စက်ညှင်းပန်းနေတာပဲဗျ။ လွန်လွန်းတယ်။ အခုမှ လာပြီး ရှင်းပြမနေနဲ့။ အပိုပဲ"

"ထားလိုက်စမ်းပါကွာ …" ရုံပိုင်ကြီးက စိတ်မသက်သာစွာ ပြောရင်း ပိုတျာဂျင်အား ဆွဲခေါ်သွားသည်။

ပိုတျာဂျင်လည်း ပုခုံးကို တွန့်၍ ရုံပိုင်ကြီးနောက်မှ လေးကန်သော ခြေလှမ်းများဖြင့် လိုက်ပါသွား၏။

"ကျေနပ်နိုင်ကြတယ်ကို မရှိဘူး" ပိုတျာဂျင် စိတ်ရှုပ်ထွေးစွာ တွေးမိ၏။ "သူ့အတွက် ရုံပိုင်ကြီးကိုလည်း ခေါ်လာပြီးပြီ။ ဒီလောက်ဆို နားလည်သဘောပေါက်ပြီး ကျေအေးဖို့ ကောင်းတယ်။ ဒီလူတော့ … ၊ ကျိန်ပြောလိုက်ချင်တယ်"

နောက်ထပ် ဘူတာတစ်ခုသို့ ရောက်၏။ ရထားက ဆယ်မိနစ်စာ ရပ်နားသည်။ ဒုတိယအကြိမ် ခေါင်းလောင်းသံ မပေးမှီ၊ ပိုတျာဂျင် တစ်ကိုယ်တည်း နားနေဆောင်ဘား၌ ရေသန့်သောက်နေခိုက် သူ့ထံသို့ လူကြီးလူကောင်းနှစ်ဦး ရောက်လာ၏။ တစ်ဦးက အင်ဂျင်နီယာ ယူနီဖောင်းနှင့် နောက်တစ်ဦးက စစ်ဖက်ဆိုင်ရာ ကုတ်အင်္ကျီကို ၀တ်ထားသည်။

"ဒီမယ် လက်မှတ်စစ်ကြီး" အင်ဂျင်နီယာပုဂ္ဂိုလ်က ပိုတျာဂျင်အား ဦးတည်၍ စကားစသည်။ "ဒီ မစွမ်းမသန် ခရီးသည်ပေါ် မင်းရဲ့ လုပ်ရပ်တွေက ဘေးလူတွေ အမြင်မှာ မခံမရပ်နိုင်စရာပဲ။ ဒါ့ထက် ငါ့နာမည်က ပူဇစ်စကီးပါ။ အင်ဂျင်နီယာနော်။ ဒီလူကြီးမင်းက ဗိုလ်မှုးကြီးကွ။ မင်း ဒီခရီးသည်ကို မတောင်းပန်ရင် မင်းကို ငါတို့ ဂတ်ဗိုလ်နဲ့ တိုင်ရလိမ့်မယ်။ ဂတ်ဗိုလ်နဲ့ ငါတို့က အရမ်းခင်တဲ့ မိတ်ဆွေတွေနော်"

ပိုတျာဂျင် ကတုန်ကယင် ဖြစ်လာသည်။ "လူကြီးမင်းများခင်ဗျာ။ ကျွန်တော်ဖက်က ဘာဖြစ်လို့ … ဆရာတို့က ဘာဖြစ်လို့ …"

"ဟေ့ကောင်။ မင်းရဲ့ ဆင်ခြေတွေကို နားထောင်ဖို့ ငါတို့ လာတာ မဟုတ်ဘူး။ ဒါပေမဲ့ မင်းကို တင်းတင်းကျပ်ကျပ် သတိပေးလိုက်မယ်။ ကိုးယိုးကားယား လုပ်လို့ကတော့ ဥပဒေကြောင်းအရ မင်းကို ဆုံးမရလိမ့်မယ်"

"ဟုတ်ကဲ့။ … ၊ ကျွန်တော့်ဖက်က … ၊ တောင်းပန်ဖို့ ပါပဲ။ … ၊ ကျွန်တော် သေချာပေါက် …"

နောက်ထပ် နာရီဝက်အကြာ၊ ပိုတျာဂျင်တစ်ယောက် မိမိ၏ ဂုဏ်သိက္ခာကို မထိခိုက်စေပဲ၊ ခရီးသည်ဖက်မှလည်း ကျေအေးနိုင်မည့်၊ ပြေရာပြေကြောင်း တောင်းပန်စကားကို တွေးရင်း ရထားတွဲအတွင်းသို့ ၀င်ရောက်လာသည်။ ထို့နောက် မစွမ်းမသန် ပုဂ္ဂိုလ်အား ရည်ရွယ်၍ စကားစလိုက်သည်။ "ဟုတ်ကဲ့ … ၊ ဆရာကြီးခင်ဗျာ"

မစွမ်းမသန် ပုဂ္ဂိုလ်က ခုန်ထွက်လုမတတ် ထထိုင်၏။ "ဘာကွ"

"ဟုတ်ကဲ့ … ၊ ဒီလိုပါဗျာ … ၊ ခင်ဗျားအနေနဲ့ ဒီလောက်အထိ ရန်မလိုသင့်ပါဘူး …"

မစွမ်းမသန် ပုဂ္ဂိုလ်က ရင်ဘတ်စည်တီးရင်း ပင့်သက်ရှိုက်၏။ "အဟွတ် … ၊ အဟွတ် … ၊ ရေတောင် ငတ်လာပြီ။ … ၊ ငါ အခုမှ တတိယအကြိမ် အိမ်ဆေးထပ်သောက်ပြီး အိပ်မောကျခါစ ရှိသေးတယ်။ မင်း ထပ်ရောက်လာပြန်ပြီ။ အညိုးအတေးနဲ့များ ညှင်းပန်းနှိပ်စက်နေတာလားကွာ။ ဘုရားသခင် … ၊ ကယ်တော်မူပါ"

"ကျွန်တော်ဖက်က … ၊ ဟို … ၊ ခင်ဗျားကို ခွင့်လွှတ်စေချင်တာပါ …"

"အား … ၊ ငါ့ကို နောက်ထပ် တစ်ဘူတာရောက်ရင်သာ ကန်ချလိုက်ပါတော့ကွာ။ မခံစားနိုင်တော့ဘူး။ ငါအခု … ၊ ငါ သေငယ်ဇောနဲ့ မျောနေပြီကွ … "

ခရီးသွား "လုပ်သားပြည်သူ"အပေါင်းက သောင်းသောင်းဖျဖျ ၀ိုင်းဝန်းကန့်ကွက်ကြလေပြီ။ "ဘာကောင်လဲကွ။ အော့နှလုံးနာတယ်။ ဟေ့ကောင် … ၊ ထွက်သွားစမ်းကွာ။ မင်းလုပ်ရပ်နဲ့ပတ်သက်ပြီး ၀ဋ်လည်မယ့်အကောင်။ ထွက်သွားစမ်းဟေ့"

ပိုတျာဂျင်လည်း မျှော်လင့်ချက်မဲ့စွာ ခေါင်းကို တွင်တွင်ယမ်းလျှက် သက်ပျင်းအခါခါချကာ ရထားတွဲအတွင်းမှ ထွက်လာခဲ့၏။ ၀န်ထမ်းများသီးသန့်တွဲသို့ ပြန်ရောက်သော် ခုံတစ်လုံး၌ ခြေပစ်လက်ပစ်ထိုင်၍ ညည်းတွားတော့သည်။

"တော်ပါတော့။ လုပ်သားပြည်သူတဲ့။ ဘယ်တော့မှ ကျေနပ်နိုင်ကြတယ်ကို မရှိဘူး။ ငါ့အလုပ်ငါ အကောင်းဆုံးဖြစ်အောင် ကြိုးစားလည်း အလကားပဲ။ ငါ့ကို မူးရူးဆဲဆိုနေမိအောင် တွန်းပို့နေကြသလိုပဲ။ ... ဘာမှ မလုပ်ပြန်တော့လည်း သူတို့က ၀ိုင်းဆဲကြတယ်။ ငါ့တာဝန် ငါကျေအောင် ထမ်းဆောင်ပြန်တော့လည်း အဆဲခံရတာပဲ။ မထူးဘူး။ ငါ့ဟာငါ အရက်ထိုင်သောက်တာပဲ ကောင်းတယ်"

ပိုတျာဂျင်တစ်ယောက် ပုလင်းထဲရှိသမျှ အားလုံးကို ဒလဟော လောင်းထည့်သည်။ သူ့အတွေးထဲ၌ လုပ်ငန်းသဘာဝ၊ တာဝန်ဝတ္တရားနှင့် ရိုးသားဖြောင့်မတ်ခြင်းများ မရှိတော့ပြီ။